Edhe sot pritje të gjata të mërgimtarëve për ta kaluar kufirin në Merdare

Sipas të dhënave të orës 13:00 të Qendrës Kombëtare për Menaxhim Kufitar, në Merdare kolona e automjeteve për të dalë nga Kosova është disa kilometra e gjatë

Edhe të dielën po vazhdojnë pritjet e gjata të qytetarëve në pikë kalimet kufitare me Serbinë, për të dalë nga Kosova.

Sipas të dhënave të orës 13:00 të Qendrës Kombëtare për Menaxhim Kufitar, në Merdare kolona e automjeteve për të dalë nga Kosova është disa kilometra e gjatë, ndërsa pritjet shkojnë deri në pesë deri gjashtë orë. Për të hyrë nga Serbia në këtë pikë kalim kufitar, pritjet janë deri në dhjetë minuta, ndërsa kolona vetëm 50 metra e gjatë.

Ndërsa në pikë kalimet tjera kufitare ka fluks më të ulët. Në Mutivodë pritjet për të dalë janë deri në 30 minuta, kurse te Dheu i Bardhë 20 minuta.

Në pikë kalimet e tjera kufitare me Serbinë dhe vendet e tjera përreth nuk ka pritje përcjell Albinfo.ch.

Kufiri #Merdare: pritja është 5 deri 6 orë për të dalur nga #Kosova. #RrugëTëMbarë pic.twitter.com/lcxJuHRsv4

— Qendra Kombëtare për Menaxhim Kufitar ?? (@MPBQKMK) August 25, 2019

---