Lajme
Rusia në recesion, shkaku i sanksioneve perëndimore
Rusia ka rënë në recesion pasi u godit rëndë nga sanksionet perëndimore për luftën në Ukrainë.
Të dhënat zyrtare të lëshuara nga agjencia zyrtare e statistikave të vendit Rosstat tregojnë se GJDP-ja e vendit u tkurr me 4 për qind në tremujorin e tretë 2022, krahasuar me një vit më parë, raporton The Mirror, përcjell Albinfo.ch.
Kjo do të thotë se vendi i presidentit rus, Vladimir Putin, është tani teknikisht në recesion, pasi ka përjetuar dy tkurrje radhazi, duke shënuar gjithashtu një rënie prej 4.1 për qind në tremujorin e dytë të këtij viti.
Sanksionet ekonomike të vendosura nga aleatët perëndimorë pas pushtimit rus të Ukrainës në shkurt kanë pllakosur ekonominë e vendit, me një numër mallrash dhe shërbimesh të njohura që nuk janë më të disponueshme për qytetarët e vendit, shkruan The Mirror.
Vështirësitë në importimin e komponentëve kryesorë dhe pjesëve të këmbimit kanë penguar gjithashtu sektorin e prodhimit. Të dhënat e reja treguan gjithashtu një rënie të madhe prej 22.6 për qind në aktivitetin e tregtisë me shumicë dhe një rënie prej 9.1 për qind në tregtinë me pakicë.
Elvira Nabiullina, Guvernatorja e Bankës së Rusisë, u tha ligjvënësve se vendi duhet të shikojë “shumë matur me sy hapur” në perspektivat e tij ekonomike ndërsa hyn në recesion.
“Po, situata mund të përkeqësohet, ne e kuptojmë këtë”, ka shtuar ajo.
Ndryshe, shumë analistë kishin parashikuar një tkurrje edhe më të fortë prej 4.5 për qind.
E-Diaspora
-
Ambasadori i Kosovës, Mentor Latifi, viziton kompaninë smzh AG Diplomati kosovar theksoi rëndësinë e forcimit të marrëdhënieve ekonomike dhe tregtare ndërmjet Kosovës dhe Zvicrës, duke...
-
Shaqiri, “kryefjalë” e numrit më të ri të revistës albinfo.ch
-
Dy shqiptarë dënohen me burg dhe me “dëbim të menjëhershëm” nga Zvicra
-
Zvicër
Ema Hoti, finaliste në “Miss Universe Switzerland”
-
Stokholm: Petrit Gora, drejtor i REX i Animation Film Festival
Jeta në Zvicër
-
Vendosë gjykata, Google nuk duhet të heqë përmbajtjen kritike ndaj FIFA-s Google nuk ka pse të fshijë artikujt në lidhje me shoqatën botërore të futbollit FIFA nga...
-
Gjeneva do të presë takimin e OKB-së për Palestinën
-
Shtyhet për një vit periudha e nisjes për përfituesit e statusit S
-
Fitime për bursën zvicerane nga ulja e normave të interesit në SHBA
-
Shkenca kritikon të shtënat e planifikuara mbi tufën e ujqërve