Ekonomi
Ekonomia zvicerane ka shënuar rritjen më të shpejtë që nga fillimi i vitit 2015
Ekonomia e Zvicrës në tremujorin e fundit u rrit me ritmin më të shpejtë që kur vendi hoqi kufizimet mbi frangun, raporton “Bloomberg”.
Rritja e mbështetur nga eksporti, ka treguar se ekonomia ka efekte anësore pozitive nga rritja e eurozonës. Rajoni me monedhën e vetme, e cila është partneri më i madh tregtar i Zvicrës, është në rritje me një ritëm të shpejtë në krahasim me një vit më parë.
Investimet janë rritur gjatë tremujorit, si shpenzimet e konsumatorëve dhe shpenzimet qeveritare, thotë Sekretariati Shtetëror për Çështje Ekonomike, SECO. Produkti i brendshëm bruto u rrit me 0.6% në këtë tremujor, pas një rritjeje prej 0.4% në tre muajt e mëparshëm. Në bazë vjetore, rritja e PBB-së në tremujorin e tretë ishte 1.2%.
“Kjo është më në fund një rezultat i mirë që i përshtatet optimizmit që ne e shohim”, tha Alexander Koch, një ekonomist në “Raiffeisen Schweiz”.
Eksporti mbështetet nga frangu i dobët, i cili është më i lirë për rreth 8% krahasuar me euron këtë vit. Ekonomia shkoi nëpër një rënie në fillim të vitit 2015, kur Banka Nacionale e Zvicrës ka braktisur normën minimale të këmbimit, të cilat rritën vlerën e frangut me 41% kundrejt monedhës evropiane.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit