Integrimi
Emira, për Kurban Bajram organizoi festë për refugjatët në Gjermani
Emira Ganji, shqiptarja nga Maqedonia të enjten në mbrëmje ka bërë një organizim për nder të festës së Kurban Bajramit për refugjatët e disa strehimoreve në Leverkusen të Gjermanisë, njofton albinfo.ch
Emira Ganji nuk kishte fjetur fare gjatë natës së kaluar. Ajo dridhej, por edhe ishte e gëzuar. “Javët e fundit kanë qenë shumë stresuese për mua”, thotë ajo me zë të ngjirur. 25 vjeçarja shqiptare për nder të festës së Kurban Bajramit kishte organizuar një drekë festive me rreth 100 refugjatë nga strehimoret e Görresstraße, Düsseldorfer Straße und Bebelstraße, raporton ksta.de
Ajo ka thënë se ka hasur në vështirësi për të siguruar ushqimin dhe pijet, por me ndihmën e miqve ia ka dalë mbanë. “Unë doja gjatë tërë kohës t’iu ndihmoja refugjatëve dhe përfundimisht e kisha këtë mundësi” thotë Emira. Po ashtu ajo ka grumbulluar rreth 100 çese të vogla të cilat i ka dhuruar si befasi për fëmijët e refugjatëve.
Emira Ganji ishte jashtëzakonisht falënderuese për donacione nga shumë ndihmës vullnetar. “Me kaq shumë njerëz unë nuk kam llogaritur. Jam shumë e lumtur”, përcjell “albinfo.ch”.
Emira Ganji është shqiptare nga Maqedonia e cila në moshën 13 vjeçare ka migruar për në Gjermani. Ajo e njeh shumë mirë situatën e refugjatëve. “Ne, në atë kohë nuk ishim të përndjekur, por edhe unë në fillim kisha problem me gjuhë. Gjithçka ishte e re për mua”, thotë ajo. Emira flet rrjedhshëm anglisht, gjermanisht, shqip dhe pak maqedonisht. Që nga fillimi i këtij viti ajo është e angazhuar për punë vullnetare.
Aksionin e ardhshëm Emira e ka planifikuar me fëmijët refugjatë. “ Së bashku me fëmijë do të vizitojmë stacionin e policisë”. Ajo ka vërejtur se shpesh herë fëmijët kur shohin një veturë policore në rrugë kanë frikë dhe këtë frikë duhet ta largojnë gjatë kësaj vizite.
Të ngjashme
Të tjera nga Integrimi
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse