Futbolli Shqiptar në Zvicër
FC Kosova e Cyrihut fiton Kupën e Diasporës
FC Kosova e Cyrihut është fituese e Kupës së Diasporës në futboll për vitin 2019, raporton albinfo.ch.
Në finalen e luajtur në stadiumin Buchlern në Cyrih, FC Kosova e Cyrihut si fituese e Kupës së Unionit të Klubeve Shqiptare të Futbollit në Zvicër ka fituar të shtunën ndaj FC Kosova München si fituese e Kupës së Unionit të Klubeve Shqiptare të Futbollit në Gjermani
Ky spektakël futbolli në Zvicër ishte organizuar nga FC Kosova Zürich si fituese e Kupës në Zvicër në bashkëpunim me Unionin e Klubeve të Futbollit Shqiptar në Zvicër (UKSHFZ), Federatën e Futbollit Shqiptar në Gjermani (FFSHGJ) dhe Ministrinë e Diasporës e Kosovës, raporton albinfo.ch.
Ekipi vendas fitoi 2:0. Golin e parë në pjesën e parë për djelmoshat kuqezi e ka shënuar Çlirim Shabani, ndërsa në pjesën e dytë ka shënuar për FC Kosovën, Ilir Bajrami. Mysafirët nuk arritën të shënojnë megjithë shanset e shumta që kishin.
Kupën, kapitenit të FC Kosovës, Thomas Weller dhe presidentit Nesret Limani ia ka ndarë Ministër Këshilltar në Ambasadën e Kosovës në Zvicër, Mustafë Xhemaili, dhe zëvendësministri kosovar nga Ministria e Diasporës, Afrim Bekteshi, ndërsa ka marrë pjesë edhe Kryetari i Unionit të Klubeve Shqiptare të Futbollit në Zvicër, Feti Demolli.
Ky i fundit është shprehur i kënaqur me lojën e zhvilluar. “Përshëndes të dy klubet që dhanë një lojë kaq të bukur të futbollit Fair-Play dhe vëllazërore”, tha Demolli.
Edhe diplomati kosovar Mustafë Xhemaili ka përshëndetur të gjithë të pranishmit në këtë finale të futbollit, duke theksuar se me këtë rast për dyja ekipet ka fituar Kosova.
Ndërsa mysafiri nga Prishtina, zëvendësministri i Ministrisë së Diasporës, Afrim Bekteshi ka thënë se do të vazhdojnë të mbështesin aktivitete të këtilla, por jo vetëm sportive, por kulturore etj.
“Sportistët janë ambasadorët tanë që po i shtojnë vlerë edhe vendeve ku luajnë, por edhe vendit të tyre prej nga vijnë, në këtë rast Kosovës”, tha Bekteshi.
“Ne u kënaqem me një spektakël në finale me dy ekipe me të njëjtën emër, njëra nga Zvicra dhe tjetra nga Gjermania dhe kishin një synim fitoren për Kosovën”, tha zëvendësministri kosovar.
Tani fituesi i Kupës së Diasporës, FC Kosova e Cyrihut në vjeshtë do të udhëtojë për në Kosovë për të luajtur kundër fituesit të Kupës së Kosovës, Feronikelin.
Të tjera nga Futbolli Shqiptar në Zvicër
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën