Lajme
Festë e madhe sportive në Volketswil të Cyrihut
Në vazhdimësi “Shkolla Shqipe” në Zvicër na ka gëzuar me sukseset dhe rezultatet e shkëlqyeshme në procesin mësimor kësaj radhe na gëzoi me aktivitetet e shkollës. Një garë sportive tepër mirë e organizuar nga mësuesit, prindërit nën drejtimin e mësuesit dhe veprimtarit të palodhur Vaxhid Sejdiut
Një garë sportive që gëzoi me qindra nxënës të shkollës shqipe “Volkestwil 22”
Të shtunën e kaluar, me datën 18 qershor 2022 në Volkestwil të Kantonit të Zyrihut «Shkolla Shqipe» në Zvicër organizoi turneun e futbollit «Volkestwil 22», në të cilën morën pjesë nxënësit e shkollave shqipe nga disa kantone të Zvicrës. Në garën e madhe ishin klasat e shkollave shqipe Lozanë, Vevey, Neuenhof, Spreitenbach, Rotkreuz, Zug, Baar, Cham, Vokestwil, Regensdorf, Wetzikon, Uster, Schwerzenbach, Fehraltorf, Seebach, Mönchaltorf, Fällanden, Sempach etj.
Ajo që ra në sy nga të gjithë pjesëmarrësit ishte gëzimi i pa përshkruar që kishte pushtuar fytyrat e fëmijëve në këtë garë të bukur sportive, me qëllim që kush do ta zë vendin e parë, kush do të ishte ndër më mirët apo edhe më interesante ishte gara për portierin dhe golashënuesin më të mirë.
Orges Bunjaku, nxënësit e “Shkollës Shqipe në Zvicër, mësuesit dhe prindërit gjithmonë do të jemi me ty, me qëllim që Kosova jonë e dashur të jetë sa më lart në garat ndërkombëtare të futbollit.- Suksese!
Turneu filloi në ora 9:00 min. dhe përfundoi aty kah ora 14:00 , edhe pse ishe një ditë e me një vapë të theksuar nuk i pengoj nxënësit e shkollave shqipe të dëfrehen, të argëtohen dhe më në fund të fitojnë dhe ta ndajnë gëzimin me lojtarin e kombëtares sonë, të kombëtares së Kosovës Orges Bunjakun, i cili kishte ardhur enkas nga Franca për t’iu bashkangjitur fëmijëve të shkollave shqipe.
Dhe pas shumë ndeshjeve në mes klasave garuese në finalen e madhe ishin nxënësit e shkollave shqipe Volkestwil me emrin “Shqiponjat”, nxënësit e shkollës shqipe Fällanden dhe Mönchaltorf, me emrin e ekipit “Lugina” si dhe nxënësit e shkollës shqipe Uster e Fehraltorf me emrin “Ilirët. Pas ndeshjeve në mes këtyre finalistëve doli edhe kjo renditje: vendin e parë e morën nxënësit e shkollës shqipe “Ilirët – Uster”, vendin e dytë “Lugina – Mönchaltorf dhe Fällanden” dhe vendin e tretë “Shqiponja” – Volkestwil.
Golashënuesi më i mirë ishte Elon Hasani nga shkolla shqipe Vevey, kurse portieri më i mirë Ermal Ahmeti nga ekipi “Lugina” dhe ekipi fair – play u nderuan nxënësit e shkollës shqipe nga kantoni i Zug-ut me emrin “Shqiponjat e Zugut”.
“Shkolla Shqipe” – Zvicër
E-Diaspora
-
Shtutgart: Gërvalla vlerëson lart kontributin historik të mërgatës Temat si: situata aktuale e sigurisë në Kosovë, regjistrimi i mërgatës, mësimi plotësues në gjuhën shqipe,...
-
Familja shqiptare në Diasporë që mbi njëzet vjet çojnë përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
-
Studentja e Kosovës punësohet në njërën nga shkollat më prestigjioze në SHBA
-
Shqipja flitet më shumë në Cyrih, Winterthur, Bazel dhe St. Gallen
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë