Festivali i Filmit Shqiptar po prezantohet në Berlin me 20 filma

Në kinemanë historike Kino Babylon shfaqen filma që pasqyrojnë zhvillimin e kinematografisë shqiptare ndër dekada.

Në Berlin po zhvillohet Festivali i Filmit Shqiptar, i cili nga 7 deri më 13 maj sjell para publikut gjerman dhe ndërkombëtar një përzgjedhje të veçantë të filmave që pasqyrojnë historinë dhe evoluimin e kinematografisë shqiptare, transmeton albinfo.ch.

Shfaqjet po mbahen në kinemanë prestigjioze dhe historike Kino Babylon, ku gjatë një jave do të prezantohen rreth 20 filma shqiptarë, duke ofruar një panoramë të gjerë të krijimtarisë filmike shqiptare ndër vite.

Programi i festivalit përfshin disa nga veprat më të njohura të kinemasë shqiptare, si filmi klasik Lulëkuqet mbi Mure, drama historike Liri a Vdekje, komedia e mirënjohur Përrallë nga e Kaluara dhe filmi artistik Gjeneral Gramafoni. Në program janë gjithashtu edhe filma më të rinj, përfshirë dramën Agon me regji të Robert Budina.

Festivali përfshin edhe dokumentarin Wo/Men [House with a Voice], në të cilin marrin pjesë si mysafire regjisoret Kristine Nrecaj dhe Birthe Templin, si dhe filma të tjerë të njohur si Vdekja e Kalit dhe Luna Park.

Përmes këtij programi, festivali synon të prezantojë për publikun ndërkombëtar historinë, kujtesën kulturore dhe ndryshimet shoqërore që janë reflektuar në kinemanë shqiptare ndër dekada, duke e kthyer Berlin në një pikë takimi për dashamirët e filmit shqiptar./Albinfo.ch

Festivali i Filmit Shqiptar “Fly Like an Eagle” mbahet në Berlin nga 7 deri më 13 maj 2026

---