Filmi kosovar shfaqet në Kajro

“Home Sweet Home” është shfaqur në Festivalin Ndërkombëtar të Filmit në Kajro

Pasi ka hyrë në garë për Çmimin “Oscar”, “Home Sweet Home” është shfaqur në Festivalin Ndërkombëtar të Filmit në Kajro, shkruan albinfo.ch.

Filmi “Home Sweet Home” i producentit Trim Musliu dhe regjisorit Faton Bajraktari, po vazhdon të shfaqet në festivalet më të mëdha botërore të filmit.

Producenti Musliu dhe regjisori Bajraktari ishin të nderuar me prezantimin e filmit të tyre në Festivalin e Kajros, ndërsa kanë falënderuar ambasadorin e Kosovës dhe Shqipërisë në Egjipt, Beqir Ismaili dhe Eduard Sulo si dhe Drejtorin e Festivalit të Filmit të Kajros, Ahmed Hassouna, që ishin të pranishëm në shfaqjen e filmit.

“Home Sweet Home” më parë është shfaqur në disa festivale të filmit në Evropë dhe rajon.