Lajme
Fiton nisma e asambleistit shqiptar: Policia duhet të lëshojë fatura pas kontrolleve
Në fëmijërinë e tij, politikani Reis Luzhnica kishte përjetuar profilizimin racor. Ai tani kërkon ta zgjidhë këtë problem me një iniciativë në Asamblenë e Cyrihut

Dy këshilltarë bashkiakë (asambleistë) të PS-së kërkojnë që policia e qytetit të Cyrihut, në të ardhmen të lëshojë fatura për kontrollet e identitetit, trasnmeton albinfo.ch. Fatura duhet të përmbajë informacion për personin që kontrollohet, stacionin dhe numrin e punonjësit të policisë, informacione të përgjithshme si koha dhe vendi dhe arsyeja e kontrollit.
Qëllimi: të zvogëlohen kontrollet arbitrare ndaj njerëzve bazuar në pamjen ose origjinën e tyre.
Njëri prej politikanëve, bartës të nismës është Reis Luzhinca. Ai, që nga viti i kaluar bën pjesë në këshillin bashkiak të Cyrihut, si asamblesit i PS-së.
Siç është shprehur në mbledhjen e asamblesë 32-vjeçari me origjinë shqiptare, ai është kontrolluar vazhdimisht nga policia gjatë fëmijërisë së tij. Ai ka qëlluar shpesh me miqtë e tij në momentin e kontrolleve, por vetëm ai kontrollohej nga policia, raporton “Tagesanzeiger”.
Pavarësisht disa votave kundërshtuese – mocioni u miratua
Postulati, përveç nga PS, ka marrë miratimin edhe nga përfaqësuesit e GLP dhe AL në asamble. Megjithatë, shefja e sigurimit, Karin Rykart (të Gjelbrit), nuk ishte shumë entuziaste me gjithë këtë.
Qyteti tashmë ka zbatuar masa të mjaftueshme kundër profilizimit racor, thotë ajo për “Tagesanzeiger”. “Fatura me emër dhe mbiemër nuk përbën ndonjë vlerë të shtuar ”.
Nisma gjithashtu nuk u prit mirë nga FDP dhe SVP. Këto parti kanë frikë se faturat do të krijojnë një “përbindësh burokratik”, përcjell albinfo.ch. Megjithatë, nisma u miratua nga këshilli bashkiak me 72 vota pro dhe 41 kundër.
Të ngjashme
Të tjera nga Lajme
Jeta në Zvicër
-
Nga viti 2026, afro 100 njësi të sapondërtuara do të jepen me qira në Cyrih Agjencia e pasurive të paluajtshme të Cyrihut përdor metoda “perverse” për të vlerësuar pritjet e qirasë...
-
Treni “European Sleeper” ngatërron linjën, përfundoi shumë larg destinacionit
-
Siguruesit shëndetësorë kundërshtojnë tarifat e larta të klinikave
-
Salla të reja operative në Spitalin e Gjenevës
-
Zvicër: Këto janë destinacionet më shpesh të rishikuara nga Google