Fotografitë thonë gjuhën e zemrës!

Fotoreportazh nga manifestimi i LAPSH ”Naim Frashëri” i kantonit të St. Gallenit dhe i kantonit të Glarusit

Në vazhdën e organizimit të festave kushtuar 100-vjetorit të shpalljes së pavarësisë së Shqipërisë, më 1 dhjetor 2012 Lidhja e Arsimtarëve dhe Prindërve Shqiptarë „Naim Frashëri“ e kantonit të St. Gallenit dhe e kantonit të Glarusit së bashku organizuan një manifestim shkollor, në të cilin nxënësit kënduan me gjithë shpirt për flamurin kombëtar dhe pavarësinë e Shqipërisë.

Atë mbrëmje Flumsi ishte shndërruar në një kënd të Vlorës historike. Në program morën pjesë afër 200 nxënës të shkollave shqipe të këtyre dy kantoneve. Programi ishte përgatitur nga mësuesit Qefsere dhe Vaxhid Sejdiu.

Për ta ilustruar më mirë këtë mbrëmje madhështore do të sjellim disa fotografi, nëpërmjet të cilave do të përshkruhet më së mirë kjo mbrëmje festive.

Salla e sportit në Flums me 1200 vende ishte e vogël për t`i zënë të gjithë të pranishmit.

Programi u hap me himnin e flamurit, të interpretuar nga nxënësit e shkollës shqipe të Glarusit, Niederurnit, Netstalit, Mitlödit, Buchsit, Melsit, Flumsit dhe Walenstadit. 

Referatin kushtuar datës historike 100 vjet shtet shqiptar e paraqiti Vaxhid Sejdiu, kryetar i Këshillit të Arsimtarëve të kantonit të St. Gallenit.

I nderuar dhe i respektuar në mesin e nxënësve dhe prindërve ishte edhe ministri i Arsimit i Republikës së Kosovës, Ramë Buja.

Një kënaqësi të veçantë në mesin e nxënësve solli edhe prof. Dr. Shaban Sinani nga Tirana.

Dhe në fund Këshilli organizativ i manifestimit i ndau mirënjohje mësuesit të dalluar, Vaxhid Sejdiu.

LAPSH “Naim Frashëri” – St. Gallen
Sektori për Informim