Lajme
Austri: Skijimi do të lejohet nga 24 dhjetori
Austria njoftoi të mërkurën se skijimi do të ishte përsëri i mundur nga pragu i Krishtlindjes
Në një konferencë shtypi të mërkurën, Kancelari austriak, Sebastian Kurz, tha që ashensorët e skive do të lejohen përsëri të hapen nga 24 dhjetori.
“Nga 24 dhjetori sportet individuale në natyrë do të jenë përsëri të mundshme në mënyrë që popullata austriake të ketë shansin të përfshihet në aktivitete sportive gjatë pushimeve”, tha Kurz në një konferencë shtypi, duke njoftuar që masat e rihapjes pas bllokimit të dytë të koronavirusit në vend përfundojnë në fund të kësaj jave.
Hotelet megjithatë janë vendosur të mbyllen deri në 7 janar, që do të thotë se vetëm udhëtimet ditore janë të mundshme.
Për më tepër, kufizimet e kontaktit do të zbuten gjatë periudhës së Krishtlindjes.
“Ne duam të ulim numrat (e infeksioneve) deri më 23 dhjetor, në mënyrë që ju të mund të kaloni pushimet me deri në dhjetë persona nga çdo numër i familjeve”, tha Kurz.
Kurz tha se kufiri prej dhjetë personash do të zbatohet nga 24 deri në 26 dhjetor, si dhe më 31 dhjetor. Ditët e tjera, vetëm një person mund të vizitojë një familje tjetër. Këto Krishtlindje do të jenë ndryshe nga Krishtlindjet e zakonshme, tha Kurz.
Një bllokim i dytë nuk ka arritur të ulë në mënyrë dramatike shkallën e infeksionit, e cila mbetet në rreth 5,000 raste të reja në ditë, por Austria ngadalë do të fillojë ri-nisjen e ekonomisë, duke filluar me shkolla dhe biznese javën e ardhshme.
Hotelet, baret dhe restorantet, do të rihapen vetëm më 7 janar, tha Kancelari Sebastian Kurz. Sezoni dimëror i skive ka qenë temë e debatit të gjerë, ndërsa Gjermania, Franca dhe Italia kërkuan një ndalim evropian të turizmit të skijimit deri në fillim të janarit, përcjell tutje albinfo.at.
Të ngjashme
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën