Franca dhe Italia bashkëpunojnë për emigrantët

Franca ka pranuar sot të bashkëpunojë me Italinë, për të marrë mbështetjen e Bashkimit Evropian për frenimin e valës së emigrantëve që vërshojnë ishullin Lampedusa.

Organizata e Kombeve të Bashkuara dhe agjencia e saj e refugjatëve i kanë bërë thirrje Bashkimit Evropian që të ndajë detyrën e kujdesit për emigrantët dhe në këtë mënyrë të lehtësojë shtetet kufitare.

Afro 7000 emigrantë kanë arritur në ishullin italian të Lampedusas këtë javë, numër ky më i madh sesa numri i banorëve të ishullit.

Presidenti i Francës, Emmanuel Macron, është shprehur se është përgjegjësi e Bashkimit Evropian të qëndrojë pranë Italisë.

“Dua t’u them miqve tanë italianë sinqerisht se besoj se është përgjegjësi e gjithë Bashkimit Evropian të qëndrojë pranë Italisë”, ka thënë ai.

---