Kultura

Ftohen shkrimtarët shqiptarë e zviceranë në “Meeting”

Shkrimtarët zviceranë dhe ata shqiptarë ftohen në takimet letrare ndërkombëtare që organizohen për çdo vit në Saint-Nazaire të Francës

Takimi i 16-të letrar ndërkombëtar “Meeting”, që do të mbahet nga 15 deri më 18 nëntor, me 24 autorë, do ta shqyrtojë ëndrrën europiane, shkruajnë mediat franceze, përcjell Albinfo.ch.

“Kur e zgjodhëm një vit më parë, tema, `Drejt Evropës` tashmë ishte preokupuese”, pranon Patrick Deville, shkrimtar dhe drejtor i takimit. “Sot, pikëpyetja merr të gjitha kuptimet e saj”.

Një vit para zgjedhjet europiane, takimi i 16-të letrar ndërkombëtar shtron pyetjen: “Ku është ëndrra europiane? Për t’iu përgjigjur kësaj pyetjeje, gjatë këtij viti janë të nderuar shkrimtarët zviceranë dhe ata shqiptarë, informon Albinfo.ch.

“Këto dy vende gjenden në zemrën gjeografike të Europës, por pa përkitje me organizimin e tare politik dhe ekonomik, ka bërë një përmbledhje drejtori letrar. Shqipëria ëndërron dhe Zvicra nuk e dëshiron atë”.

Për katër ditë, njëzet e katër autorë zviceranë dhe shqiptarë, por edhe francezë, turq, algjerianë, italianë, kubanezë dhe malazezë, ftohen të përshkruajnë se si është perceptuar Europa në vendin e tyre, njofton Albinfo.ch.

Ndër pikat kryesore të këtij takimi, do të jenë edhe hapja e ekspozitës së fotografive nga Pierre Deville dhe një tekst i pabotuar i autorit Jean Rollin, të dy të pranishëm të premten, më 16 nëntor, në ora 17.00.

Një tjetër moment që pritet gjatë takimit, drekë me shkrimtarët, ndërsa për publikun propozohet rezervim me çmim prej 20 eurosh.

Nga 15 deri më 18 nëntor, Takimi i 16-të i organizuar nga Shtëpia e shkrimtarëve dhe përkthyesve të huaj. Programi i plotë në meetingsaintnazaire.com. Hyrja e lirë.