Futboll
Futbollistët shqiptarë, Mërgim Berisha dhe Albert Vallci, fitojnë Kupën e Austrisë
Për kampionin e Austrisë, luajnë edhe dy futbollistë shqiptarë: Mërgim Berisha dhe Albert Vallci, shkruan Albinfo Austria.
Ekipi austriak i futbollit “Red Bull Salzburg” ka fituar Kupën e Austrisë për herën e dytë rresht, ndërsa për herën e shtatë në nëntë sezonat e fundit. Për kampionin e Austrisë luajnë edhe dy futbollistë shqiptarë: Mërgim Berisha dhe Albert Vallci, shkruan Albinfo Austria.
Qendërmbrojtësi Vallçi që vitin e kaluar e fitoi edhe kampionatin austriak, luajti për 90 minuta në finalen e madhe të Kupës së Austrisë kundër Austria Lustenau, që përfundoi me fitore të thellë të gjigantit austriak 5:0.
24-vjeçari në këtë ndeshje dha kontribut të madh në fazën e mbrojtjes, derisa u ndëshkua me karton të verdhë në minutën e 76-të.
Në anën tjetër, sulmuesi tjetër shqiptar, Mërgim Berisha, nuk u inkuadrua fare në lojë.
Në 12 ndeshje sivjet në të gjitha garat, Vallçi ka asistuar dy herë.
Bundesliga e Austrisë pritet të rinisë kampionatin më 2 qershor. Vallçi e Berisha me “Salzburgun” zënë pozitën e parë me 24 pikë, pas 22 xhirove.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit