Kultura
Gala operistike nën qiell të hapur me Saimir Pirgun në Winterthur
Koncerti "OpenAir" mbahet në një park të qytetit, ku Pirgu si solist do të interpretojë arie operistike i shoqëruar nga orkestra e njohur e Winterthur-it “Musikkollegium”, nën dirigjimin e Lorenzo Coladonato
Tenori shqiptar me famë botërore e ka të njohur mirë skenën operistike të Zvicrës.
Ai është familjarizuar prej kohësh sidomos me Cyrihun. Rreth 10 vite më parë ai ka luajtur në skenën e këtushme të operës rolin e Dukës së Mantovës në “Rigoletto-n“ e famshme të Verdit. Dhe para katër vitesh sërish në këtë shtëpi, Saimiri ka interpretuar po në “Rigoletto” sërish rolin e Dukës.
Para pak vitesh Pirgu kishte marrë pjesë me rolin kryesor, atë të Alfredos në një spektakël operistik të llojit të vet, në inskenimin e operës së njohur të Verdit “Traviata” të luajtur jo në skenë por në stacionin hekurudhor të Cyrihut, kishte shkruar albinfo.ch atëbotë.
Loja impresionuese që bartej nga hapësirat mes peronave të trenit, te shkallët elektrike të stacionit e gjetiu, ishte transmetuar drejtpërdrejtë nga televizionet zvicerane. Dhe kishte lënë mbresa të thella te një publik i gjerë, i cili në kushte normale, vështirë “e gjen rrugën” deri tek teatri i operës.
Ndërkaq, më 8 korrik tenori sigurisht më i madh që Shqipëria i ka dhënë botës është sërish në Zvicër, protagonist i një spektakli të llojit tjetër. Ai do të interpretojë në Winterthur të kantonit të Cyrihut një numër ariesh nga më të njohurat në literaturën muzikore të botës, shkruan albinfo.ch. Këtë do ta bëjë nën qiellin e hapur në një park të qytetit, i shoqëruar nga orkestra e njohur e Winterthur-it “Musikkollegium”, nën dirigjimin e Lorenzo Coladonato dhe nga kori alpha-cappella.
Pirgu do të interpretojë veç tjerash pjesët në vijim: Uverturën e operës “La gazza ladra” të Rossinit, arien e Edgardos nga “Lucia di Lammermoor” të Donizetit, uverturën e operës “Leichte Kavallerie” të Franz von Suppe, arien “La mia letizia infondere” të operës “I Lombardi alla prima crociata” të Verdit, uverturën nga opera “Nabuco” e Veridt etj.
Lidhur me detajet e koncertit dhe rezervimin e biletave mund të informoheni në linkun në vijim:
http://www.classicopenair.ch/operngala17
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve