Sporti

Gashi në këmbë për 10 raunde, por gjyqtarët i japin fitoren Dereck Chisoras

Boksieri shqiptar, Senad Gashi, ka bërë një paraqitje të mirë, megjithatë, në fund është mundur nga boksieri i njohur, Dereck Chisora.

Gashi i ka bërë ballë Chisoras deri në fund të duelit prej 10 raundesh në kategorinë e peshave të rënda që u zhvillua në “O2 Arena” të Londrës, për të humbur me vendim të gjyqtarëve, përcjell albinfo.ch.

Në fund të meçit, të tre gjyqtarët vendosën në favor të boksierit britanik (100-90, 100-91, 99-91).

Gashi i ka fituar 15 nga 18 meçet e tij profesionale dhe të gjitha triumfet i ka arritur me nokaut.

Humbjet e mëparshme të tij ishin nga Carlos Takam (të cilin e ka mposhtur Chisora në vitin e kaluar) dhe Tom Schwarz (i cili përballet me Tyson Furyn gjatë verës që vjen).