Kosova
Gent Cakaj jep dorëheqjen
Lajmin e ka konfirmuar edhe vetë Rama, me anë të një shkrimi në Twitter, duke e falënderuar Cakajn për punën e tij
Ministri në detyrë për Evropën dhe Punët e Jashtme i Shqipërisë, Gent Cakaj, bën të ditur se ka dhënë dorëheqjen nga kjo pozitë.
Në një postim në Facebook, ai ka treguar se dorëheqjen ia ka paraqitur kryeministrit Edi Rama.
“Dëshiroj t’ ju njoftoj që sot, e martë, më 29 dhjetor 2020, i kam paraqitur Kryeministrit të Republikës së Shqipërisë, z. Edi Rama, dorëheqjen e parevokueshme dhe me efekt të menjëhershëm si Ministër në detyrë për Evropën dhe Punët e Jashtme të Republikës së Shqipërisë”, ka njoftuar Cakaj, përcjell Telegrafi.
“Dua të shpreh mirënjohjen dhe falënderimin tim ndaj Kryeministrit Rama për besimin e dhënë dhe bashkëpunimin e ngushtë në rrethana jo të lehta për Shqipërinë. Po ashtu, u jam shumë mirënjohës të gjithë bashkëpunëtorëve dhe stafit të MEPJ, për mbështetjen e vazhdueshme në rrugëtimin e përbashkët, për të ndërtuar një sistem diplomatik të denjë për ambiciet e Shqipërisë evropiane dhe të pakompromis në mbrojtje të interesit qytetar e kombëtar”, ka shkruar ai.
Cakaj ishte emëruar në këtë detyrë më 28 dhjetor të vitit 2018.
Lajmin e ka konfirmuar edhe vetë Rama, me anë të një shkrimi në Twitter, duke e falënderuar Cakajn për punën e tij.
“Dua ta falënderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit”, ka njoftuar Rama.
Të ngjashme
Të tjera nga Kosova
E-Diaspora
-
A mendoni se vetëm 400 mijë shqiptarë janë në diasporë? Deri më tani, referuar statisitkave, mbi 400 mijë persona janë regjistruar nga diaspora, shkruan albinfo.ch. Në...
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen
Jeta në Zvicër
-
Zvicër: Xhel, që ul nivelin e alkoolit në gjak dhe mbron trupin Studiuesit në ETH Cyrih thonë se kanë zhvilluar një xhel që kundërshton ndikimin negativ të alkoolit....
-
Aksident në Aristau AG mes autobusit dhe makinës
-
74 punonjës të Pfizer në Zug kërcënohen me largim nga puna
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?