Gentiana Karpuzi ligjëruese në Britani të Madhe

Gentiana është pjesëtarja e parë nga FSK-ja, që merr kontratë dyvjeçare si ligjëruese në një akademi prestigjioze ushtarake

Ka më shumë se shtatë vjet që është bërë pjesë e Forcës së Sigurisë së Kosovës, por sukseset që ka arritur janë të mëdha.

Gentiana Karpuzi nga e hëna do të nisë punën si instruktore e fitnesit në Shkollën e Ushtrisë së Trajnimit Fizik në Forcat e Armatosura të Mbretërisë së Bashkuar, raporton televizioni publik i Kosovës.

Gentiana është pjesëtarja e parë nga FSK-ja, që merr kontratë dyvjeçare si ligjëruese në një akademi prestigjioze ushtarake, përcjell albinfo.ch.

“Do të jetë një përgjegjësi. Do të mundohem të përfaqësoj sa më mirë FSK-në dhe vendin tim”, ka thënë Karpuzi.

Ajo ka falënderuar Forcën e Sigurisë së Kosovës, pasi i kanë ndihmuar shumë.