Kosova
Shpaloset programi për angazhimin e profesionistëve nga diaspora në Cyrih
Ky program synon të angazhojë edhe diasporën apo kapitalin human që ndodhet në diasporë për t'u shërbyer objektivave zhvillimore të shtetit të Kosovës

Gjatë ditës së djeshme, organizata joqeveritare Germin, me mbështetjen e Caritasit Zviceran dhe Fondacionit Kosovar për Shoqëri Civile KCSF e në partneritet me USAID Kosova, ka organizuar një takim me profesionistët shqiptarë dhe komunitetin e biznesit nga diaspora në Cyrih.
Në kuadër të këtij takimi është prezantuar “Programi për Angazhimin e Profesionistëve nga Diaspora”, raporton albinfo.ch.
Këtij aktiviteti i janë përgjigjur pozitivisht një nunër i konsiderueshëm i të rinjve profesionistë dhe biznese nga fusha të ndryshe, të cilët shihen si mundësi reale e angazhimit në Kosovë për një periudhë afatshkurtër në fushat e tyre të ekspertizës.
© Armend Berisha, albinfo.ch
I pranishëm në këtë takim ishte edhe udhëheqësi i Misionit Konsullor të Republikës së Kosovës në Cyrih, z. Sami Kastrati, i cili edhe një herë ka përsëritur besimin e tij që me finalizimin e marrëveshjes së tregtisë së lirë mes Zvicrës dhe Kosovës, do të dyfishohen edhe shkëmbimet tregtare mes dy vendeve.
© Armend Berisha, albinfo.ch
Programi për Angazhimin e Profesionistëve nga Diaspora është prezantuar nga Lirim Krasniqi, bashkëdrejtues ekzekutiv i GERMIN, i cili ka shpalosur para të pranishmëve mundësitë që ofron ky projekt. Ai ka thënë se “ky program synon të angazhojë edhe diasporën apo kapitalin human që ndodhet në diasporë për t’u shërbyer objektivave zhvillimore të shtetit të Kosovës”. Tutje z.Krasniqi ka vlerësuar se “diaspora ka një potencial të jashtëzakonshëm, e që sipas tij, ky potencial është shumë i gatshëm për t’u angazhuar në Kosovë”.
© Armend Berisha, albinfo.ch
Ky program qëllim në vete ka transferimin e njohurive dhe shkathtësive, duke kontribuar në rritjen e kapaciteteve në vendin e origjinës. Prezantimin e programit për angazhim qytetar e ka bërë Taulant Hoxha, Drejtor Ekzekutiv, nga fondacioni Kosovar për Shoqëri Civile (KCSF), i cili ka thënë se “diaspora jo patjetër duhet të dhurojë më tepër, por duhet të dhurojë më mençur, kohë, angazhim dhe ekspertizë”, shkruan albinfo.ch. Ai tutje ka shtuar se Kosova është demokraci shumë më e zhvilluar se vendet e rajonit, dhe kjo e arritur është edhe për shkak të shoqërisë civile, duke dashur të tregojë rendësinë që ka angazhimi i të rinjve profesionistë nga diaspora në sektorin e shoqërisë civile në Kosovë.
© Armend Berisha, albinfo.ch
Prezantimi i mekanizmit financiar për projekte investuese nga diaspora është bërë nga Luiza Sekiraqa, menaxhere e projektit MARDI, CARITAS Zvicër. Znj. Sekiraqa ka prezantuar thirrjen e hapur për profesionistët dhe bizneseve nga Zvicra për projekte investuese në kuadër te projektit “Veprimi i Komunave për Riintegrim dhe Diasporë – MARDI” që implementohet nga Caritas-i Zviceran në partneritet me Germin-in.
© Armend Berisha, albinfo.ch
Thirrja e hapur për bizneset e diasporës siç ka treguar ajo do të jetë në dispozicion për dy muaj dhe bizneset e diasporës, të vetme apo në bashkëpunim me biznese të Kosovës, do të kenë mundësi të përfitojnë grant deri në 50,000 Euro për projekte investuese në Kosovë.
Një prezantim lidhur me ndërmarrësinë e imigrantëve shqiptarë në Zvicër, ka pasur edhe Dr. Ardian Retkoceri, ligjërues, shkruan albinfo.ch. Ai ka folur “për rolin e ndërmarrësve shqiptarë në ekonominë e vendit mikpritës, duke konkluduar se ndërrmarrësit në diasporë janë një aset i çmuar kombëtar”.
© Armend Berisha, albinfo.ch
© Armend Berisha, albinfo.ch
Në fund të takimit ka pasur edhe një diskutim të hapur mbi mundësinë e angazhimit të profesionistëve të diasporës dhe investimeve në Kosovë.
(Teksti dhe fotot: Armend Berisha)
E-Diaspora
-
Chair Airlines renditet në mesin e kompanive me nisjet më të sakta në Zvicër "Chair", ndër kompanitë më të sakta në kohë reale për fluturime...
-
Dy shqiptarë dënohen me 18 vjet burg Angli
-
Promovohet libri kushtuar veprimtarit Rafi Halili
-
Mira Murati me hapin e radhës në krijimin e “Thinking Machines Lab”
-
Njihuni me familjen që la Zvicrën për të jetuar në Kosovë
Jeta në Zvicër
-
Autoritetet bëjnë thirrje për vigjilencë pas reshjeve të mëdha të borës në jug të Zvicrës Vigjilenca mbetet rend i ditës në kantonin jugor të Valais, pavarësisht situatës stabile pas borës së...
-
Kreu i policisë: Zvicra nuk do të kursehet nga një përshkallëzim i dhunës lidhur me drogën
-
Zermatt i qasshëm përsëri, situata në Valais po normalizohet
-
Çfarë është “Kuvendi Qytetar” i Zvicrës dhe çfarë roli luan ai?
-
A e dini se emërtimi i lopëve është traditë në Zvicër