Lajme
Gjashtë milionë ukrainas ende pa energji elektrike
Bëhet e ditur se ekipet ukrainase të riparimit vazhduan përpjekjet për të kthyer energjinë elektrike në miliona shtëpi më 25 nëntor pas sulmeve shkatërruese me raketa ruse këtë javë në objektet e infrastrukturës, duke përfshirë burimet e ujit dhe ngrohjes, përcjell albinfo.ch.
Presidenti Volodymyr Zelenskiy tha se më shumë se 6 milionë familje mbeten në errësirë.“Që nga kjo mbrëmje, ndërprerjet e energjisë vazhdojnë në shumicën e rajoneve dhe në Kiev”, tha ai.Por ai tha se ekipet e riparimit kishin arritur të përgjysmojnë numrin e vendeve të prekura që nga 23 nëntori, një nga netët më shkatërruese të bombardimeve ruse të infrastrukturës elektrike në pushtimin nëntëmujor.
Përveç kryeqytetit, Zelenskiy tha se Odesa në Detin e Zi, Lviv në Ukrainën perëndimore, Vinnytsia dhe Dnipropetrovsk në Ukrainën qendrore janë disa nga zonat më të goditura. Kompania kombëtare e rrjetit të energjisë, Ukrenerho, tha përmes Telegramit më 25 nëntor se deri në orën 19:00. rreth 30 për qind e furnizimeve me energji elektrike të vendit ishin ende jashtë funksionit.Ukrenerho tha se po vazhdonte një “restaurim i ndarë në faza” dhe se ekipet e riparimit “po punojnë gjatë gjithë kohës”, por u bëri thirrje qytetarëve që të kursejnë energjinë.Pushtimi rus i Ukrainës nisi në muajin shkurt të këtij viti. Javëve të fundit, Ukraina ka arritur që t’i rikthejnë nën kontroll disa qytete që ishin pushtuar nga rusët.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit