Shqipëria
Gjatë verës u regjistruan 920 zjarre, shumica të qëllimshme
Pjesë më e madhe e këtyre zjarreve kanë qenë të qëllimshme, thotë përfaqësuesit e Emergjencave Civile në Shqipëri
Gjatë muajve të verës, ku ka mbizotëruar një mot shumë i nxehtë, në Shqipëri janë regjistruar më shumë se 900 vatra të zjarrit, të cilat kanë shkaktuar dëme të mëdha në pyjet dhe kulturat bujqësore të vendit. Pjesë më e madhe e këtyre zjarreve kanë qenë të qëllimshme, thotë përfaqësuesit e Emergjencave Civile në Shqipëri.
Drejtori i Emergjencave Civile në një raport paraprak, pasi ende ka vende ku luftohet me flakët, ka bërë të ditur numrin e vatrave të zjarreve në të gjithë vendin dhe mënyrat e ndërhyrjes për fikjen e tyre, transmeton TCH.
“Janë regjistruar mbi 900 vatra zjarri, nga ato më të voglat e deri tek zjarret masive e në rrezikshmëri të lartë, nga të cilat rreth 500 raste janë menaxhuar nga strukturat vendore të shërbimit zjarrfikës. Mbi 280 raste të zjarreve masive me rrezikshmëri për jetën njerëzore, pasuri e mjedis, është kërkuar domosdoshmërish mbështetje e strukturave operacioniale në nivel qendror”, thotë Shemsi Premçi, kreu i Emergjencave Civile.
Ndërkohë vetëm ditën e hënë, sipas Premçit, janë regjistruar 8 vatra zjarri në të gjithë vendin në qarqet e Shkodrës, Lezhës, Fierit, Dibrës, Elbasanit, Vlorës dhe Korçës, ku janë angazhuar 40 punonjës zjarrfikës, 50 forca të armatosura, 90 punonjës të pyjores dhe dy automjete zjarrfikëse.
Nisur nga situata e kësaj vere Premçi, përveç shtimit të kapaciteteve mekanike dhe njerëzore për zjarrfikëset, kërkon edhe rikonceptim të shërbimit zjarrfikës si në vendet e Evropës. Këto deklarata u bënë gjatë ceremonisë së dhurimit të 600 pompave të shpinës për fikjen e zjarreve dhe 100 uniformave zjarrduruese nga gazsjellësi TAP.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?