Lajme
Gjeneva bëhet me shenja “femërore” të komunikacionit
Në qytetin e Gjenevës, figurat e grave do të paraqiten në gjysmën e 500 shenjave të trafikut në vendkalimet e këmbësorëve. Kjo është një premierë në Zvicër
Ideja që gjinia femërore të bëhet imazh i shenjave të trafikut mund të duket anekdotale, ka thënë kryetarja e PS të Gjenevës, Sandrine Salerno, shkruan sda.ch. Por në fakt, bëhet fjalë për shtytjen që të mendohet për pozicionin e grave në hapësirat publike.
Historikisht, hapësirat publike qenë menduar vetëm nga burrat dhe vetëm për burra, transmeton albinfo.ch. Nën pretekstin e asnjanësisë, shenjat ishin tepër mashkullore, kritikoi ajo.
Kjo ka ndryshuar, thotë Salerno. Me fjalë tjera, sot gratë janë pjesë e hapësirave publike në mënyrë (pothuaj) të barabartë me meshkujt dhe në këtë pikëpamje, duhen ndryshuar edhe shenjat e trafikut.
Ky projekt synon më tepër të tregojë se shoqëria po zhvillohet dhe po fillon një reflektim rreth pozitës së grave në hapësirën publike.
Shkëmbimi i shenjave të trafikut duhet të promovojë ndjenjën e legjitimitetit për të gjithë në hapësirën publike.
250 shenjat e reja janë në dispozicion në gjashtë versione të ndryshme, duke përfshirë një grua shtatzënë, një person të moshuar dhe një çift femrash (lezbike), transmeton albinfo.ch. Kostoja e projektit është 56.000 franga dhe është plotësisht i financuar nga qyteti. Po ashtu edhe Kantoni mbështet projektin.
Në Gjenevë është duke u realizuar gjithashtu edhe një projekt për të “feminizuar emrat e rrugëve”.
Të ngjashme
Të tjera nga Lajme
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër