Futboll

Gjermanët e ngritin në qiell Rashicën, s’ka si ai

Futbollisti shqiptar është duke shkëlqyer në Bundesligën gjermane

Milot Rashica është duke vazhduar me formë të jashtëzakonshme në Werder Bremen. Ai shënoi një gol fantastik përballë Bayer Leverkusen, duke konfirmuar se është në top formë dhe njëri nga futbollistët kryesor të Werder Bremen, përcjell albinfo.ch.

Ky ishte goli i tretë i Rashicës këtë sezon, derisa ka edhe një asistim.

Të shumta kanë qenë reagimet në rrjetet sociale.

“Shiko nënë, është një GOAT (Greatest Of All Time – Më i Miri i Të Gjitha Kohëve, akronimi përkthehet në “dhi” në shqip) në fushë, @MilotRashica”, shkruan faqja e Bremenit.

“Më i miri në Bundesligë”, ishte një tjetër postim i Bremenit, duke iu referuar statistikave të Rashicës me klubin gjerman.

“Milot Rashica është me të vërtetë lojtari më i mirë në planet”, shkroi Tom Weber, ndërsa faqja e Bremenit iu përgjigj duke shkruar “Fakte”.