Tematike
Gjermanët, të habitur nga “mrekullia e koronës në Bernë”
“Krahasuar me bllokimin mbarëkombëtar në Gjermani dhe bllokimin e ashpër në Austri, një gjë shihet qartë: Zvicra po ecën rrugës së saj speciale, pa bllokim"
Numrat e infeksioneve me koronavirus në Zvicër janë në rënie, pavarësisht masave dukshëm më të buta në krahasim me vendet e tjera.
Në Gjermani njerëzit fërkojnë sytë me habi duke parë këtë “mrekulli”, transmeton albinfo.ch mediat gjermane
“Kështu, pavarësisht nga numri i lartë i rasteve, mund të vizitohen tregjet e Krishtlindjeve në Bernë ose të pihet verë e vluar në baret e improvizuara”.
Kjo shkakton habi të pabesueshme në Gjermani. Sidomos numri në rënie i infeksioneve: Pavarësisht masave të buta krahasuar me Gjermaninë, numri i rasteve po bie, përcjell albinfo.ch.
Tabloidi më i madh gjerman “Bild” ka vendosur këtë titull në ballinë: “Mrekullia e Koronës në Bernë?”
“Eksperiment i frikshëm”
Për gjermanët, gjallëria në kryeqytetin federal të Zvicrës ngjan me një “eksperiment të frikshëm”. “Krahasuar me bllokimin mbarëkombëtar në Gjermani dhe bllokimin e ashpër në Austri, një gjë shihet qartë: Zvicra po ecën rrugës së saj speciale, pa bllokim! Dhe kështu po merr mbi vte rrezik të lartë”, vazhdon gazeta.
Si provë, ajo tregon fotografi nga sheshi Waisenhausplatz i Bernës, ku do të qëndrojë tregu i Krishtlindjes i këtij viti deri në Krishtlindje, transmeton albinfo.ch. Pavarësisht nga korona, ky treg është mjaft i vizituar.
Dhe, rreziku i lartë që po marrin mbi vete zviceranët nuk duket se po hakmerret deri më tani.
“Ekonomia, para jetëve të njerëzve”
Por vlerësimi i luftës zvicerane kundër kurorës është parë tashmë sa herë edhe me tone kritike, jashtë vendit. Kështu “Spiegel” kohë më parë shkruante për rregullat “çuditërisht të buta” të kantoneve zvicerane në raport me virusin. Megjithëse numrat rriteshin në atë kohë, “pothuajse askush nuk dukej të ishte shqetësuar seriozisht”.
Një artikull në revistën e njohur amerikane “Foreign Policy” kishte vënë këtë titull: “Zvicra vendos kurimin, ekonominë para jetëve njerëzore”, duke kritikuar qeverinë zvicerane, e cila po refuzonte të marrë masat e nevojshme shtrënguese.
Të ngjashme
Të tjera nga Tematike
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor