Lajme
Gjermani: Kapet shqiptari që kishte jetuar 4.5 vjet ilegalisht në Zonën Shengen
Ai kishte një vulë hyrëse hungareze nga janari i vitit 2019 në pasaportën e tij. Prandaj, ai kishte jetuar ilegalisht në BE për më shumë se 4.5 vjet
![](https://www.albinfo.ch/wp-content/uploads/2017/02/shengen-587x391.jpg)
Në tunelin kufitar Füssen, Policia Federale ka ndaluar të premten tre persona të kontrabanduar.
Menjëherë pas mesnate, Policia Federale e Kemptenit ndaloi një makinë me regjistrim italian në tunelin kufitar Füssen, në të cilën ndodheshin tre shqiptarë, transmeton albinfo.ch. Sipas Policisë Federale, shoferi 29-vjeçar u identifikua me pasaportën e tij dhe një lejen italiane të qëndrimit. Por lejet italiane të qëndrimit të dy pasagjerëve të tij kishin kohë që kishin skaduar. 36-vjeçari madje nuk kishte me vete as pasaportën, shkruan ad-hoc-news.de.
Kur policia ka kontrolluar pasagjerin 34-vjeçar, ka gjetur një sasi të vogël kokaine, të cilën e ka sekuestruar dhe ka denoncuar personin në fjalë, i cili duhet të paguante një garanci prej 600 eurosh, për shkelje të ligjit për narkotikët.
Kështu, drejtuesi i mjetit u akuzua për tentativë për të kontrabanduar të huaj, ndërsa dy pasagjerët u akuzuan për tentativë për të hyrë në vend pa leje. Policia Federale më vonë e ka kthyer makinën me gjithë udhëtarët, mbrapsht në Austri.
Më pak se dy orë më vonë, një patrullë e Policisë Federale ndaloi një shofer tunizian, i cili ishte në gjendje të identifikohej siç duhet gjatë kontrollit të mëpasshëm. Mirëpo, teksa kanë kontrolluar pasagjerin e tij 31-vjeçar nga Shqipëria, policëve u ka ndodhur një surprizë, transmeton albinfo.ch. Ai kishte një vulë hyrëse hungareze nga janari i vitit 2019 në pasaportën e tij. Pa vizë, ai do të ishte lejuar të qëndronte në zonën Shengen vetëm për një kohë të shkurtër. Prandaj, ai kishte jetuar ilegalisht në BE për më shumë se 4.5 vjet.
E-Diaspora
-
Mësuesit e shkollave të diasporës, në Kuvendin e Kosovës Mësuesit e Shkollave Shqipe “Alba Life”, New York, në Kuvendin e Kosovës ...
-
Ardhja e mërgimtarëve, dy orë e gjysmë pritje te Dheu i Bardhë
-
Mërgimtarët janë duke pritur deri në 2 orë në pikën Dheu i Bardhë
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
Jeta në Zvicër
-
Procesi i miratimit të barnave në Zvicër, më i ngadalshëm se në Evropë Është një fakt i njohur se shumë gjëra në Zvicër përparojnë me ritmin e kërmillit, dhe...
-
Zvicra, në prag të festimit të 733-vjetorit si shtet
-
Zvicër: Pushimet verore mbaruan, është koha e ‘kthimit në shkollë’
-
Zvicra nis një fushatë ndërgjegjësimi për përdorimin e dronëve
-
Pse dështuan iniciativat për uljen e kostove shëndetësore në Zvicër?