Muzikë
Shqiptarja që po impresionon me zërin e saj jurinë e “The Voice”
Sezoni i ri “The Voice Kids” Gjermania është ndjekur nga miliona shikues gjermanë, në Gjermani, Austri, Zvicër, Belgjikë dhe BE.
Vajza shqiptare e quajtur Rrezarta Bojaxhiu është pjesë e garës “The Voice Kids” në Gjermani. Ajo ka performuar me këngën “Who wants to live forever”, nga Queen. Rrezarta njihet gjithashtu për performancën e saj në “X-Factor” në Islandë dhe këngën në gjuhën shqipe të titulluar “Nëna”, përcjell albinfo.ch.
Është mbajtur episodi 7 i sezonit të ri “The Voice Kids” Gjermania, i ndjekur nga miliona shikues gjermanë (Gjermani, Austri, Zvicër, Belgjikë dhe BE). Në “Betejën e gjigantëve” u kualifikua Rrezarta Bojaxhiu, e cila në Gjermani njihet si Reza. Ajo është me origjinë shqiptare nga Kosova, nga Pllava, Opoja e Dragashit.
Trajnerët e televizionit kombëtar gjerman “Sat 1” ishin në kërkim të talenteve të rinj, më të mirë të Gjermanisë për këtë vit. Kandidatët këngëtarë ishin trajnuar nga artistë të njohur të muzikës gjermane. Këtë vit pjesë e edicionit janë trajnerët e mirënjohur: Lena Meyer-Landrut, Sasha, Max Giesinger dhe dy anëtarët e grupit “Meine Freunde”.
Vitin e kaluar ishin kandidatët Mimi dhe Josy nga Augsburgu që fituan këtë garë kombëtare të Gjermanisë. Ata e bënë krenar jo vetëm familjen, por edhe trajnerët e tyre, Sascha Vollmer dhe Alec Völkel.
“Beteja e gjigantëve” nga Luca, Reza (Rrezarta Bojaxhiu) dhe Vladi
Trajnerja Lena Meyer-Landrut dje në betejë i dërgoi tre talentet e saj më të fortë, që ishin: Vladi, Reza (Rrezarta Bojaxhiu) dhe Luca. Talentet u sfiduan duke performuar me këngën “Who wants to live forever” të Queen.
Reza (Rrezarta Bojaxhiu), Vladi dhe Luca ishin të tre kandidatët më të fortë për finalen e “The Voice Kids” 2020. Trajnerja Lena nuk e humbi rastin që kandidatët e saj të garojnë kundër njëri-tjetrit në “Battle der Giganten”
Po ashtu përzgjedhja e këngës së trajnerës Lena ishte mbretërore. Duke synuar që Reza (Rrezarta Bojaxhiu), Vladi dhe Luca të shkonin në betejë me këngën “Who wants to live forever” të Queen.
Luca, i cili në shfaqjen e tij performoi me këngën e Freddie Mercury-t, natyrshëm luajti në kartat e përzgjedhjes së këngës nga trajnerja Lena. Por, rivalët e tij, Reza (Rrezarta Bojaxhiu) dhe Vladi, gjithashtu dukeshin se do të rrëmbenin titullin e “Queen”.
Kjo ishte vërtet madhështore! Vështirë se dikush e vërejti se në skenë ishin tre fëmijë. Të rriturit nuk mund ta kishin kënduar më mirë. Për të tre talentet publiku u ngrit në këmbë dhe bëri një ovacion të madh.
Trajnerja Lena pa dyshim se e kishte shumë të vështirë të përzgjidhte fitues njërin talent. Në fund, ajo vendosi për Reza (Rrezarta Bojaxhiun), e cila në shfaqjen e saj entuziazmoi me një “Opera-Arie” dhe demonstroi shkathtësitë. Ajo u kualifikua në garën e mëtutjeshme kombëtare të Gjermanisë. Tashmë është në prag të karrierës së saj si yll muzike “Pop Star”, duke ndjekur sigurt hapat yjeve shqiptare me renome botërore sikurse Rita Ora, Dua Lipa, Bebe Rexha, etj.
Reza (Rrezarta Bojaxhiu) më 2015 kishte përformuar dhe në garën kombëtare “X-Factor” në Islandë dhe i ishte afruar finalës. Ajo më 2016 kishte lansuar këngën e parë në gjuhën shqipe të titulluar “Nëna”. Fansat mund ta ndjekin faqen e saj në internet.
Të ngjashme
Të tjera nga Muzikë
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane