Gjermani: Treni del nga shinat, tre të vdekur e 16 të plagosur

Raportohet se të paktën tre persona humbën jetën dhe shumë të tjerë u plagosën, pasi treni doli nga shinat pranë resortit gjerman të skive, njofton albinfo.ch.

Referuar raportit të policisë gjermane, 16 persona janë lënduar pasi një tren në Gjermani doli nga shinat pranë një vendpushimi alpin në jug të shtetit.

Sipas policisë gjermane, të vdekurit janë nga të gjitha moshat, e 16 nga të plagosurit janë në gjendje të rëndë, shkruan Dailymail.

Menjëherë pas aksidentit, gjashtë helikopterë të shpëtimit janë parë në vendngjarje, dhjetëra ambulanca, zjarrfikës e vinça për shpëtim.

Thuhet se treni që doli nga shinat po shkonte në veri nga Alpet Gjermane për në Mynih, pranë qytetit turistik të Gramisch-Partenkirchen.

Linja midis Garmisch-Partenkirchen dhe Oberau, në veri të vendit të aksidentit, është mbyllur, ndërkohë të lëndurave po u jepet ndihma. /Albinfo.ch