Gjermania dëbon të huajt problematikë

Qeveria e Gjermanisë do që të dëbojë në të ardhmen më shpejt të huajt që kanë bërë vepra kriminale në vend. Në të njëjtën kohë, numri i dëbimeve ka shënuar rënie. Vitin e kaluar 3242 raste janë deportuar nga autoritetet, ndërsa më 2013 kishte përafërsisht 3900.

Kjo do të thotë se këta njerëz ishin të detyruar të largohen nga vendi, ndoshta për shkak se ata kanë kryer një vepër penale.

1381 prej tyre janë kthyer vullnetarisht vitin e kaluar, e 457 u dëbuan. Në shumë raste të tjera, të huajt janë ankuar kundër vendimit për dëbim. Për sa kohë që zgjat një procedurë e tillë ligjore, nuk mund të merret një urdhër për dëbim.

Ministri i Brendshëm, Thomas de Maizière, (CDU) dëshiron të rishikojë kërkesat ligjore për dëbimin e të hujave. Projektligji është kundërshtuar nga organizatat e refugjatëve dhe opozitës. Projektligji përcakton që kriminelët e huaj, por edhe njerëzit e tjerë mund të deportohen lehtë pa lejet e qëndrimit dhe ndalon hyrjen në Gjermani. Azilkërkuesit do të jetë më lehtë për t’i marrë në paraburgim, kështu që ata nuk mund t’i shpëtojnë deportimin. Ligji aktualisht është duke kaluar procedurat parlamentare.