Bota
Gjermania: Duhet t’i parandalojmë sulmet kimike në Siri
Shqetësimet janë rritur pasi forcat e Qeverisë siriane, me mbështetjen e Rusisë dhe Iranit, po përgatiten për një ofensivë në provincën Idlib.
Gjermania dhe vendet e tjera duhet të bëjnë gjithçka të mundur për të parandaluar sulmet kimike në Siri, tha ministrja gjermane e Mbrojtjes, Ursula Von Der Leyen.
“Komuniteti ndërkombëtar, përfshirë neve, duhet të bëjë gjithçka të mundur për të parandaluar përdorimin e armëve kimike në Siri”, tha Von Der Leyen në Bundestagun gjerman, dy ditë pasi Qeveria gjermane tha se po bisedon me aleatët për vendosjen e mundshme ushtarake atje.
“Gjermania nuk mund të veprojë sikur nuk ndikohet (nga këto zhvillime)”, tha ajo.
Kancelarja gjermane, Angela Merkel, tha po ashtu të mërkurën se Gjermania nuk mund të qëndrojë në distancë nëse ndodhin sulme kimike në Siri.
Shqetësimet janë rritur pasi forcat e Qeverisë siriane, me mbështetjen e Rusisë dhe Iranit, po përgatiten për një ofensivë në provincën Idlib, shkruan REL, përcjell Albinfo.ch.
Ato duan të kthejnë kontrollin e kësaj enklave – e fundit që mbahet nga rebelët.
Në Idlib jetojnë më shumë se 3 milionë njerëz dhe pothuajse gjysma e tyre janë zhvendosur nga luftimet në vende të tjera në Siri.
Të mërkurën, presidenti i Turqisë, Recep Tayyip Edogan, tërhoqi vërejtjen për një katastrofë humanitare, nëse realizohet ofensiva e Qeverisë siriane në Idlib.
Ekspertë të Kombeve të Bashkuara dhe të Organizatës për Ndalimin e Armëve Kimike kanë thënë se janë të bindur se forcat qeveritare qëndrojnë prapa një sulmi me agjentin nervor Sarin, i cili është kryer në një qytet në jug të Idlibit, në prill të vitit 2017, duke lënë të vrarë mbi 80 vetë.
Akuzat janë hedhur poshtë nga Qeveria siriane.
Të ngjashme
Të tjera nga Bota
E-Diaspora
-
Nju-Jork: Artisti Petrit Halilaj, në majë të Muzeut Metropolitan Artisit shqiptar, Petrit Halilaj, është tani një artist konceptual, skulpturat, vizatimet, instalimet dhe performancat joshëse dhe...
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
Jeta në Zvicër
-
Barnat e blera jashtë vendit mund të rimbursohen në Zvicër Këshilli Kombëtar miratoi një mocion të mërkurën, duke kërkuar që barnat gjenerike të blera në vendet...
-
Anulime të shumta të fluturimeve mes Zvicrës dhe këtij rajoni
-
Coca cola e re në Zvicër po konsiderohet mashtrim
-
Marigona Qerkezi do të debutojë në teatrin e St.Gallenit
-
Në cilën prej komunave zvicerane jetohet më mirë?