Koronavirusi: çast pas çasti
Gjermania, Franca e Italia pezullojnë vaksinimin me AstraZeneca
Përkundër paralajmërimeve se nuk ka rrezik, shumë vende evropiane kanë pezulluar programin e vaksinimit me vaksinën e AstraZeneca
Pas Gjermanisë, edhe Italia me Francën kanë pezulluar programin e vaksinimit me vaksinën e AstraZeneca.
Agjencia italiane e ilaçeve ka ndaluar përdorimin e vaksinës AstraZeneca të COVID-19, si masë paraprake dhe përkohshme, në pritje të një takimi të Agjencisë Evropiane të Barnave, njoftoi të hënën agjencia italiane AIFA.
“AIFA ka vendosur të zgjasë ndalimin e përdorimit të vaksinës AstraZeneca të COVID-19 në gjithë vendin si një masë paraprake dhe përkohësisht, në pritje të vendimeve të EMA. Ky vendim u mor në përputhje me masa të ngjashme të miratuara nga vendet e tjera evropiane”, tha agjencia në një deklaratë, sipas CNN.
Franca gjithashtu ka pezulluar përdorimin e vaksinës së koronavirusit të zhvilluar nga AstraZeneca dhe Universiteti i Oksfordit në pritje të rishikimit nga Agjencia Evropiane e Barnave (EMA) të martën, tha presidenti francez, Emmanuel Macron, transmeton TCH, përcjell albinfo.ch.
“Ne kemi vendosur të pezullojmë përdorimin e AstraZeneca si një masë paraprake dhe shpresojmë ta rifillojmë atë shpejt nëse këshillat e EMA-s e lejojnë atë”, tha Macron gjatë një konference shtypi të hënën.
Vendimi ndjek një numër vendesh të tjera evropiane që kanë pezulluar përdorimin e vaksinës AstraZeneca në pritje të vlerësimit të mëtejshëm, pavarësisht pohimeve nga Komiteti i Përbashkët i Mbretërisë së Bashkuar për Vaksinat dhe Imunizimet (JCVI) se vaksina është testuar rigorozisht për sigurinë.
Të ngjashme
Të tjera nga Koronavirusi: çast pas çasti
E-Diaspora
-
Kanada: Tenori me famë botërore, Ramë Lahaj, sjell “Traviata” e Xhuzepe Verdit Artdashësit shqiptarë do të kenë rastin të shohin nga afër interpretimin e tenorit shqiptar me famë...
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore