Kosova
Gjermania hap kufijtë për 11 shtete jo të BE-së, por jo të Ballkanit Perëndimor
Shtetasit nga Australia, Gjeorgjia, Kanada, Mali i Zi, Zelanda e Re, Tajlanda, Tunizia dhe Uruguaji lejohen të hyjnë pa kufizime
Gjermania ka vendosur që shtetas nga 11 vende jo të BE-së mund të hyjnë në Gjermani nga nesër pa kufizime.
Megjithatë, jashtë kësaj liste kanë mbetur vendet ballkanike, Serbia, Shqipëria, Kosova, Maqedonia e Veriut, shkruajnë mediat ndërkombëtare, përcjell albinfo.ch.
Gjithashtu edhe SHBA ka mbetur jashtë listës së ‘sigurt’.
Sipas vendimit të kabinetit qeveritar, shtetasit nga Australia, Gjeorgjia, Kanada, Mali i Zi, Zelanda e Re, Tajlanda, Tunizia dhe Uruguaji lejohen të hyjnë pa kufizime.
Për Shtetet e Bashkuara kufizimet e hyrjes fillimisht do të vazhdojnë të zbatohen.
Për Japoninë, Korenë e Jugut dhe Kinën lejimi do të vlejë vetën nëse këto vende do t’i lejojnë nga ana e tyre gjermanët të hyjnë në ato shtete. Heqja e ndalimit të hyrjes do të hyjë në fuqi të enjten, njoftoi Ministria e Brendshme e Gjermanisë. Qeveria gjermane orientohet për këtë vendim në një vendim të vendeve anëtare të BE-së. Sipas tij, shtetas nga 14 shtete duhet të lejohen të hyjnë përsëri në BE. Lista do të rishikohet çdo dy javë.
Arsyeja e udhëtimit luan rol
Ekzistojnë gjithashtu mundësi të gjera hyrëse për njerëzit nga të gjitha vendet jashtë BE-së, të cilët kanë një arsye të rëndësishme për të udhëtuar. Këta mund të jenë gjermanë ose njerëz me të drejtë që të banojnë këtu, punëtorë sezonalë në bujqësi, detarë ose pasagjerë në kalim tranzit.
Në të ardhmen, vendimtar për lejimin e hyrjes në Gjermani do të jetë numri i infeksioneve të reja me Covid 19 në 14 ditët e fundit. Veç kësaj do të vërehet edhe tendenca në të njëjtën periudhë dhe mënyra se si e trajton pandeminë shteti përkatës. Për udhëtarët nga zonat me rrezik të lartë, është edhe më tej në fuqi detyrimi për karantinë 14-ditore, kur udhëtarët nuk kanë me vete një rezultat negativ të testit për virusin Corona, raporton DW.
Të ngjashme
Të tjera nga Kosova
E-Diaspora
-
Kurti takon deputetin shqiptar të Parlamentit të Zvicrës Mësohet se kryeministri i Republikës së Kosovës, Albin Kurti, ka pritur në takim deputetin e Këshillit...
-
Kori i Filharmonisë së Kosovës do të përformojë me një program të mrekullueshëm në Itali
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
Jeta në Zvicër
-
SBB do të drejtojë 49 trena shtesë për në Ticino në fundjavën e Pashkëve Për festën e Pashkëve, kantoni më jugor i Zvicrës përjeton zakonisht një fluks udhëtarësh nga zona...
-
Ka rënë përdorimi i parave të gatshme në Zvicër
-
Studimi më i madh rreth kanabisit në Zvicër fillon në Cyrih
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes