Bota
Hedhet ideja që klerikëve t’u kërkohet njohja e gjuhës gjermane
Zëdhënësi i Ministrisë së Brendshme gjermane ka thënë se Qeveria është duke shqyrtuar mundësinë që të kërkojë nga klerikët që hyjnë në këtë shtet të kenë njohuri të gjuhës gjermane, ka raportuar agjencia e lajmeve dpa.
Agjencia e lajmeve ka cituar këtë zëdhënës të ketë thënë se klerikët “që flasin gjuhën gjermane janë më të familjarizuar me kulturën gjermane”, andaj do të bëjnë punë më të mirë, kur është fjala për promovimin e integrimit.
Ai ka thënë se figurat religjioze që janë kujdesur për një numër të madh të imigrantëve myslimanë, të cilët kanë arritur në këtë shtet nga viti 2015, “kanë një rol të rëndësishëm dhe funksion të këshillimit, që është vendimtar kur është fjala për promovimin e bashkëjetesës në mes të kulturave dhe feve të ndryshme”.
Ligjvënësi Carsten Linnemann, nga partia e kancelares gjermane, Angela Merkel, ka udhëhequr thirrjet për një kërkesë të tillë, shkruan rel, përcjell albinfo.ch.
Social-Demokratët e qendrës së majtë, që janë partnerë të koalicionit, kanë kundërshtuar këtë kërkesë.
Linnemann ka thënë se në Gjermani kanë rreth 2,000 imamë që flasin “pak ose aspak gjuhën gjermane”.
Unioni Turko-Islamik, që funksionon në kuadër të Insitutit të Religjionit, ka listuar 1,049 klerikë që tashmë janë në Gjermani.
Atyre normalisht u garantohet një leje e përkohshme e qëndrimit dhe pritet të kthehen në Turqi pas katër apo pesë vjetëve të qëndrimit në Gjermani.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?