Gjermania, në krye të Evropës për sa i përket pasurisë personale të akumuluar

Keystone (AP Photo/Martin Meissner)

Gjermania është në krye të Evropës për sa i përket pasurisë personale të akumuluar në vlerën mbi 16 miliardë euro, sipas një studimi të Institutit Zviceran, i cili nxjerr në pah zgjerimin e mëtejshëm të hendekut mes të pasurve dhe të varfërve.

Pavarësisht rënies së aktivitetit ekonomik, pasuria personale u rrit në vitin 2020, viti i parë i pandemisë, sipas një studimi që përfshin 16 vende, Bashkimin Evropian dhe Zvicrën.

Gjermania kryeson Evropën me një pasuri personale prej 16.4 miliard euro, e ndjekur nga Franca me 12.6 miliard euro dhe Britania dhe Italia me dhjetë miliard euro secila, sipas një studimi të kryer nga Instituti për Shërbime Financiare – Redesigning Financial Services (RSF) me seli në Cyrih.

Produkti i brendshëm bruto real i 16 vendeve të BE-së dhe Zvicrës ra me 6.4 për qind në pandeminë e vitit 2020, ndërsa pasuria personale u rrit me 3.9 për qind në 69 miliardë euro.

Kjo tregon se hendeku i pasurisë mes të pasurve dhe të varfërve po zgjerohet dhe ky trend do të vazhdojë, thonë autorët e studimit.

Sipas raportit të tyre për pasurinë në Evropë, Gjermania regjistroi numrin më të madh të milionerëve, 2.9 milionë, e ndjekur nga Britania dhe Franca me 2.5 milionë secila.

Zvicra kryeson në përqindjen e milionerëve, e cila arrin në 14.1 për qind, që do të thotë se afërsisht një në shtatë qytetarë i përket atij grupi.

Hulumtimi tregoi gjithashtu një përqendrim gjithnjë e më të theksuar të pasurisë. Kështu, dhjetë përqindëshi më i pasur i familjeve evropiane zotërojnë rreth gjysmën e pasurisë neto të Evropës. Një përqindëshi më i pasur i evropianëve zotëron 19 përqind të pasurisë totale, shkruajnë mediat gjermane, përcjell albinfo.ch

LAJME INTERESANTE NGA INTERNETI