Lajme
Gjermania paralajmëron masa anti-Covid para vjeshtës
Nevojiten masa, kjo është e qartê dhe e padiskutueshme, duhet të jemi të përgatitur, tha ministri i shëndetësisë
![](https://www.albinfo.ch/wp-content/uploads/2021/04/449541763_highres.jpg)
Ministri gjerman i Shëndetësisë, Karl Lauterbach, ka paralajmëruar për një valë të re katastrofike të koronavirusit në Gjermani në rast se nuk merren masat e nevojshme për të kontrolluar Covid-19 përpara sezonit të vjeshtës.
“Nëse në vjeshtë ne do të ishim pa masa të mëtejshme mbrojtëse, pa maska, pa asgjë, do të thoshte se numri i rasteve do të rritej ndjeshëm, dhe gjithashtu njësitë e kujdesit intensiv do të mbingarkoheshin”, tha dje Lauterbach gjatë një vizite në Uashington, transmeton Dpa, përcjell Albinfo.ch.
“Në të njëjtën kohë, personeli i spitalit mund të sëmuret, duke shkaktuar më shumë tendosje në sistemin shëndetësor. Do të ishte si një qiri që digjet në të dy skajet”, tha Lauterbach.
“Nevojiten masa, kjo është e qartë… dhe e padiskutueshme, duhet të jemi të përgatitur”, shtoi ai.
Lauterbach tha se ai nuk dëshironte të përcaktonte se çfarë masash mund të zbatoheshin, duke thënë se këto ishin objekt i negociatave konfidenciale me degët e tjera të qeverisë, përfshirë Ministrinë e Drejtësisë.
“Baza ligjore për grupin aktual të kufizimeve të koronavirusit të Gjermanisë skadon më 23 shtator, kohë në të cilën qeveria duhet të vendosë për masat e reja”, tha Lauterbach.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n