Gjermania, vendi me rritjen më të madhe tregtare me Shqipërinë

Gjermania është vendi me rritjen më të madhe të volumit tregtar me Shqipërinë për vitin 2016. Deri në muajin shtator, importet nga Gjermania janë rritur me 81%, raportojnë mediat në Tiranë, përcjell albinfo.ch.

Sipas te dhënave zyrtare, paralelisht është rritur edhe volumi i eksporteve nga ky vend, ndonëse në masë më të moderuar prej 20%.

Ndërkaq, Gjermania mbetet partneri i dytë i Shqipërisë përsa i përket volumit tregtar, pas Italisë, qe zë vendin e parë me 36,5 % të totalit.

Statistikat tregojnë se vendet me të cilat Shqipëria ka pasur rritjen më të madhe të eksporteve, në krahasim me shtator 2015, janë: Italia, Greqia dhe Gjermania. Në muajin shtator 2016, vendet me të cilat Shqipëria ka pasur rritje më të madhe të importeve, përveç Gjermanisë, janë Italia dhe Kina.