Gjilan: Nënshkruhet marrëveshja në vlerë prej 26 milionë eurosh

Lutfi Haziri/Fb

Vitin e ardhshëm në Gjilan do të nisë ndërtimi i impiantit për trajtimin e ujërave të zeza, përcjell albinfo.ch.

Sipas një njoftimi nga kryetari i kësaj komune, Lutfi Haziri, ky projekt kap vlerën e 26 milionë eurove.

“26 milionë euro është vlera e marrëveshjes trepalëshe që e nënshkruam sot me drejtorin e Bankës Evropiane për Zhvillim (BERZH) në Prishtinë, Neil Taylor dhe drejtorin e kompanisë së ujësjellësit “Hidromorava”, Muhamet Suliqi për ndërtimin e impiantit për trajtimin e ujërave të zeza. Impianti do të ketë kapacitet për 76 mijë banorë dhe u dakorduam që puna të nis në vitin e ardhshëm. Për një Gjilan të pastër, për lumenj të pastër e pa vada. Urime të gjithë qytetarëve të Gjilanit, në veçanti Malishevës, Uglarit dhe Pogragjës”, ka shkruar Haziri në Facebook.