Lajme
Si u grabitën 4.5 milionë franga nga makina transportuese e parave
Rasti u bë publik pasi që njëri nga grabitësit, i cili ka pranuar veprën, kishte bërë ankesë në Gjykatën Federale që të lirohej nga paraburgimi ku po mbahet
Në korrikun e këtij viti, në Thunsteten të Kantonit të Bernës, nga një makinë speciale për transportimin e të hollave janë vjedhur më shumë se 4.5 milionë franga. Ky rast i grabitjes deri më sot është mbajtur i fshehur nga publiku, shkruan srf.ch.
Sipas policisë, lajmi është mbajtur në fshehtësi për shkak të rrezikut se publikimi i tij do të vështirësonte, në mos edhe do të pamundësonte hetimet.
Paratë e vjedhura nuk janë gjetur akoma. Ndërsa rasti u bë publik pasi që njëri nga grabitësit, i cili ka pranuar veprën, kishte bërë ankesë në Gjykatën Federale që të lirohej nga paraburgimi ku po mbahet, transmeton albinfo.ch. Por, Gjykata në fjalë e ka kundërshtuar për shkak të rrezikut nga fshehja e gjurmëve, që mund të kërcënonte në rast të lirimit të tij.
Paratë janë vjedhur më 1 korrik nga makina transportuese. Vjedhja duket se nuk kishte qenë e vështirë të realizohej pasi që shoferi i makinës transportuese kishte bashkëpunuar me vjedhësit.
Ndërkaq, një pjesëmarrës tjetër, që ka pranuar veprën, ka ndihmuar që paratë të kalonin në një makinë tjetër për t`i transportuar në një garazh në Rickenbach të Lucernit, përcjell albinfo.ch.
Edhe një pjesëmarrës i tretë është duke u mbajtur në paraburgim në Çeki. Ende nuk është arritur marrëveshje për ekstradimin e tij në Zvicër.
Pasi që grabitja qe planifikuar në Kantonin e Solothurnit, hetimet është duke i zhvilluar Prokuroria Publike e Solothurnit.
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjenevë: Vjedhjet e biçikletave – zgjidhen rrallë Vjedhjet e biçikletave në Gjenevë janë në rritje dhe shumë rrallë zgjidhen. Me më shumë biçikleta...
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të