Lajme
Greqia në referendum
![](https://www.albinfo.ch/wp-content/uploads/2015/07/capture-decran-2015-07-05-a-09.12.46-587x293.png)
Sondazhi i fundit mbi referendumin grek të planifikuar për të dielën, në të cilët votuesit do të deklarohen për ofertën e kreditorëve ndërkombëtarë për masat për kursime, tregon se përkrahësit e opsionin “po” janë pak përpara atyre që do të votojnë për “jo”, raporton Reuters.
Sondazhi i kryer nga instituti ALCO tregon se 44.8 për qind e votuesve do të pranojnë ofertën nga kreditorët, ndërsa 43.4 për qind janë kundër.
Referendumi që do të mbahet të dielën është vonuar për pesë vjet, tha kryeministri grek, Aleksis Tsipras, në një intervistë me TV Antena, duke shtuar se populli grek e di pse duhet të votojë.
Referendumi i të dielës në Greqi është i pari që prej 40 vjetësh, dhe do të jetë një ngjarje e jashtëzakonshme në historinë e vendit. Referendumi i fundit që u mbajt në shtetin grek ishte në vitin 1974 dhe i dha fund monarkisë duke vendosur Republikën.
Në total, shtatë referendume janë organizuar në shekullin e 20-të në Greqi, nga vitit 1920 deri në vitin 1974, të përqendruar në dilemën monarki apo republikë në periudha të tensionuara, theksoi politologu Ilias Nikolakopoulos.
Një tjetër referendum për një propozim të kreditorëve të vendit (BE, BQE, FMN) përsa i përket borxhit grek dështoi në vitin 2011, duke çuar në rrëzimin e kryeministrit socialist, Jorgos Papandreu.
Të tjera nga Lajme
E-Diaspora
-
Ndahet nga jeta psikiatri, Dr. med Sami Dalipi Ka vdekur sot në moshën 62 vjeçare, spitalin e Lucernit Dr. Sami Dalipi, mjek dhe doktor...
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
Jeta në Zvicër
-
Samiti për Ukrainën: Neutraliteti zviceran “në zjarr” Një nacionalist kryesor i krahut të djathtë zviceran ka kritikuar samitin për Ukrainën që është mbajtur...
-
Konsullata e Republikës së Kosovës në Cyrih me telegram ngushëllimi për familjen Dalipi
-
Ish-politikani zviceran, Leuenberger, për herë të pestë në Kosovë
-
Gati 100 postierë dhe korrierë në vit sulmohen nga qentë, në Zvicër
-
84 delegacione mbështesin deklaratën përfundimtare të samitit të Ukrainës