Gruaja nga Gjeneva rrezikon gjobën e lartë, arsyeja interesante

Një grua në Gjenevë po përballet me një gjobë prej mbi 1.200 CHF, sepse nuk arriti të lexojë një shenjë që përshkruan rregullat e parkimit.

E identifikuar vetëm si Emma, gruaja parkoi në Rue Liotard, në një zonë blu dhe ajo ka lejen përkatëse, e cila në teori do t’i jepte asaj kohë të pakufizuar. 

Por ajo nuk e pa shenjën që shënonte se makinat nuk lejoheshin të parkonin atje në ditët e tregut. 

Makina u hoq dhe u bllokua. Por, pronarja ankohet se asaj kurrë nuk iu tha, shkruajnë mediat zvicerane, përcjell albinfo.ch. 

Emma nuk e përdor shpesh makinën e saj dhe dy javë pasi parkoi, vuri re se makina ishte zhdukur. 

Ajo telefonoi policinë, duke besuar se ishte vjedhur, por ata i thanë se e kishin. 

Ajo thotë se nëse do të ishte thirrur, ajo do ta kishte marrë atë, duke ulur gjobën. 

Por policia thotë se ata nuk kanë asnjë detyrim të informojnë pronarët e makinave nëse makina e tyre është konfiskuar. 

 

---