Hahn: Shqipëria e Maqedonia duhet të nisin negociatat për anëtarësim

Duke iu referuar Shqipërisë, Hahn tha se prioritet është reformimi i administratës publike. “Prandaj fillojmë dhe mbarojmë me shtetin e të drejtës"

Euro komisionari për zgjerimin, Johannes Hahn, ka deklaruar se Bashkimi Evropian duhet të nisë edhe një herë procesin e  zgjerimit, transmeton albinfo.ch. Ai ka thënë se duhet bindur edhe vendet kandidate, edhe vendet anëtare, se integrimi evropian i vendeve të rajonit është në interes të të dy palëve.

Duke iu referuar Shqipërisë, Hahn tha se prioritet është reformimi i administratës publike. “Prandaj fillojmë dhe mbarojmë me shtetin e të drejtës. Të fillojmë sa më shpejt, por të marrim aq kohë sa nevojitet për finalizimin. Prandaj dua të fillojnë negociatat për anëtarësim me Shqipërinë dhe Maqedoninë”, theksoi ai.

Hahn ishte më konkret në  çështjen e Serbisë, duke theksuar se duhet të zgjidhen mosmarrëveshjet me Kosovën. “Nuk mund të pranojmë anëtarë që të kenë probleme me fqinjët”, ka theksuar eurokomisioneri.