Kosova

Haradinaj: Jemi me fat që kemi pasur në krah një partner si Gjermania

Kryeministri Ramush Haradinaj, është takuar sot me, Stephan Mayer, sekretar parlamentar i Shtetit në Ministrinë e Punëve të Brendshme të Gjermanisë.

Gjatë takimit, ata biseduan për bashkëpunimin ndërmjet dy vendeve si dhe përkrahjen e Gjermanisë për Kosovën.

Kryeministri Haradinaj ka thënë se Kosova është me fat që në rrugën e shtetë ndërtimit ka pasur në krah një partner si Gjermania, shkruan albinfo.ch

Haradinaj ka informuar Mayer për të gjitha proceset që po kalon vendi si dhe ai ka përmendur gjithashtu faktin që Kosova ka përmbushur të gjitha kushtet e vëna nga Bashkimi Evropian, në procesin e liberalizimit të vizave.

“Agjenda euroatlantike e vendit, mbetet prioritet i Qeverisë dhe në këtë rrugëtim kërkova mbështetjen e shtetit gjerman”, ka thënë Haradinaj.

Po ashtu në këtë takim u bisedua edhe për çështjet tjera të rëndësishme për Kosovën, dialogun Kosovë – Serbi, për proceset politike brenda Kosovës si dhe për perspektivën eurointegruese.