Kosova
Haradinaj: Kosova duhet të ketë Zonën Ekonomike Zvicerane
Kosova dhe Zvicra suksesshëm kanë arritur të mbajnë dhe të avancojnë marrëdhënie të shkëlqyera ekonomike dhe politike. Kështu tha kryeministri në detyrë i Kosovës, Ramush Haradinaj, në takim me Stefan Sarkany, president i Dhomës së Tregtisë, Industrisë dhe shërbimeve Zvicër – Kosovë.
Më tej, kryeministri në detyrë tha se pas vendimit për Zonën Ekonomike Amerikane dhe Parkun Inovativ Trajnues Kosovaro – Gjerman, është koha e krijimit të Zonës Ekonomike Zvicerane, me qëllim të intensifikimit të bashkëpunimit ekonomik dhe partneritetit mes të dyja vendeve, për të cilën ide do të nisin përgatitjet e nevojshme.
Gjatë takimit u bisedua edhe për krijimin e hapësirës së përfaqësimit të diasporës tonë në Zvicër, në Parlamentin e Kosovës, si një veprim i duhur dhe i nevojshëm. “Zvicra është një nga vendet mike të Kosovës që ka ndihmuar shumë në shtetkrijim dhe shtetndërtim dhe tani ky raport, duhet të avancohet në marrëdhënie konkrete, profesionale bilaterale, në të mirë të ekonomisë së vendit dhe diasporës tonë”, tha kryeministri në detyrë. Haradinaj vlerësoi se është me rëndësi që të intensifikohet bashkëpunimi ekonomik ndërmjet dy vendeve tona, përmes aktiviteteve konkrete që ndihmojnë në zhvillimin ekonomik.
“Kosova ka krijuar klimë të mirë për investimet e huaja direkte, pasi ka miratuar edhe Ligjin për Investime Strategjike”, tha kryeministri në detyrë Haradinaj, duke ftuar investitorët zviceranë, po ashtu edhe afaristët shqiptarë që aktivitetin e tyre biznesor e ushtrojnë në Zvicër, që të investojnë në Kosovë.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën