Kosova

Haxhi Hoti arrestohet për kërcënimin ndaj Albin Kurtit

Haxhi Hoti, anëtari i Nismës Socialdemokrate, është arrestuar nga Policia e Kosovës, pas kërcënimit që ia bëri liderit të Lëvizjes Vetëvendosje, Albin Kurtit.

Lajmin e ka konfirmuar për Express zëdhënësi i Policisë së Kosovës, Daut Hoxha, përcjell albinfo.ch.

“Dje e kanë kërkuar në shtëpi, nuk e kanë gjetur aty. Policia ka njoftuar të gjitha njësitet që i njëjti të arrestohet, ndërkohë ai është paraqitur në polici. Me urdhër të Prokurorit është dërguar në mbajtje për 48 orë”, ka thënë Hoxha.

Hoti po kërkohej për kërcënimin që ia bëri liderit të Lëvizjes Vetëvendosje, Albin Kurti.

“Albin Kurti i ika 2 rrugë: ose ta lëshojë Kosovën ose të vritet”, kishte shkruar Hoti në profilin e tij në Facebook, të cilin e kishte fshirë më pas, me arsyetimin se ka ndodhur gabim teknik”.