Haxhi Krasniqi, më 9 janar ngjitet në ring

Djaloshi nga Juniku do të boksojë në kategorinë super të mesme. Vitin e kaluar ai dështoi ta fitonte titullin e kampionit të botës në kategorinë më të rëndë

Boksieri shqiptar Robin (Haxhi) Krasniqi po bëhet gati për t’u kthyer sërish fuqishëm në ring. Ai është duke u përgatitur maksimalisht që të shtunën, gjegjësisht më 9 janar të përballet me kundërshtarin e tij turk me nënshtetësi gjermane Cagri Ermis, kampion i IBF të Evropës në kategorinë super te mesme.

Djaloshi nga Juniku do të boksojë në kategorinë super të mesme, meqë vitin e kaluar ai dështoi ta fitonte titullin e kampionit të botës në kategorinë më të rëndë ndaj boksierit Jurgen Brahmer.

Dueli mes Kransiqit dhe Ermis do të mbahet në Hotelin madhështor “MARITIM” në kryeqytetin gjerman, Berlin. Ndeshja do të transmetohet live në SAT 1.

Ky është dueli i 49-të i Krasniqit në boksin profesionist.