Kosova
Hollësi të reja mbi vrasjen e shumëfishtë në Viti
albinfo.ch merr vesh se familja ka qenë e ndarë: nëna ka jetuar bashkë me djemtë, ndërsa babai i tyre ka jetuar në nje tjetër lagje pasi që ata ishin në proces të divorcit
Ngjarja tragjike e familjes Zuka, ku mbetën të vrarë 4 anëtarë të kësaj familje nga Pozherani ka nxitur shfaqje të shumë versioneve mbi rrethanat e arsyet e kësaj tragjedie.
Një nga versionet thoshte se arsyeja që çoi te vrasja është një konflikt që kishte pasur çifti bashkëshortor në Zvicër, ku ata kishin jetuar.
Sidoqoftë, në redaksinë tonë kanë shkruar shumë njerëz të cilët kanë treguar informatat që kanë lidhur me këtë ngjarje.
Një nga ta, thotë për albinfo.ch në kushte anonimiteti se familja ka qenë e ndarë, pra nëna ka jetuar bashkë me djemtë, ndërsa babai i tyre ka jetuar në nje tjetër lagje pasi që ata ishin në proces të divorcit, transmeton albinfo.ch burimin anonim. Sipas saj, arsyeja e divorcit ishte dhuna fizike që babai kishte ushtruar mbi nënën.
Familja, sipas burimit, kishte punuar shumë gjatë për të ndërtuar disa shtëpi në Kosovë, e kësisoj pas ndarjes me vëllëzërit asnjëra shtëpi nuk u kishte “rënë hise” familjes. Këtu kishte nisur mospajtimi.
Burimi më tutje saktëson se familja kishte ardhur në Kosovë ndaras: nëna me djemtë me makinë, ndërsa babai i tyre, me avion. Po ashtu djemtë dhe nëna kishin qëndruar në shtëpinë e re, që e kishin ndërtuar më vonë, me paratë e tyre dhe pa kontributin e bashkëshortit/babait të fëmijëve, citon albinfo.ch burimin e saj. Ata nuk e kishin dashur praninë e tij në këtë shtëpi.
Kujtojmë se kjo vrasje e shumëfishtë ka ndodhur më 30 dhjetor në fshatin Pozheran të Komunës së Vitisë, ku dyshohet se një burrë ka vrarë gruan, dy djemtë e tij dhe veten.
Të ngjashme
Të tjera nga Kosova
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor