Uncategorized
Holmberg: Zvicra me Xhakën dhe Shaqirin duhet të veprojnë si Suedia me Durmaz
Ludvig Holmberg, kolumnist në gazetën suedeze «Expressen», shkruan ekskluzivisht për një te tetat e finales mes Suedisë dhe Zvicrës.
A është e bashkuar Zvicra përballë ndeshjes kundër Suedisë? Unë nuk jam i sigurtë. Xherdan Shaqiri dhe Granit Xhaka refuzojnë që këto ditë të japin intervista. Pas gjestit me shqiponjën dykrenore dhe fitores historike kundër Serbisë ata fshehen?
Së fundi kemi pasur një situatë të ngjashme në klubin suedez, vijon ai për blick.ch. Lojtari ynë Jimmy Durmaz luajti keq kundër Gjermanisë dhe rrjeti i tij social ishte deng me mesazhe raciste. Ai u përshkruajt si “emigrant budalla” ose “atentator vetëvrasës”, duke marrë edhe mesazhe kërcënuese për vdekje. Ishte vërtet e tmerrshme.
“Megjithatë reaksionet e një ditë më pas bënë krenarë gjithë Suedinë. Atë e mbështetën i gjithë klubi si Emil Forsberg, Andreas Granqvist, Victor Nilsson Lindelöf, Albin Ekdal – të gjithë! Durmaz sqaroi me lot në sy se vesh fanellën suedeze me krenari,” përcjell albinfo.ch.
Prej atëherë ne jemi më të fortë dhe qëndrojmë sëbashku.
Zvicra humbi një shansë
Unë e di se drama e Durmaz nuk ishte e njëjtë me atë të Shaqirit dhe Xhakës. Por sinqerisht: unë nuk e kuptoj se pse ata fshehen në dhomat e hotelit dhe nuk japin intervista. A do ishte më mirë sikur ata të vepronin ngjashëm si Suedia me Durmaz? A nuk është kjo mundësia më e mirë, për të bashkuar vendin dhe klubin?
Për mua do ishte më se e mirëpritur. Rastet e rëndësishme t’i vendosësh ndër qilim, vetëm se e zmadhojnë problemin. Dhe kjo na bën neve më të sigurtë se Suedia do e mund Zvicrën të martën.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Zvicër: Rastet e kollës tek fëmijët shumë të shpeshta Zvicra po goditet nga një valë e kollit, e cila është veçanërisht e rrezikshme për foshnjat...
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?