Hungaria do të dëbojë 1000 kosovarë

Që prej 1 korrikut, policia i dërgon kosovarët direkt në burgje në bazë të ndryshimit të legjislacionit, i cili nuk ua lejon më ikjen në shtetet e tjera të BE-së

Foto ilustrim

Së shpejti nga Hungaria do të deportohen afro 1000 kosovarë që janë duke qëndruar ilegalisht në këtë shtet. Më shumë se 250 prej tyre ndodhen në burgje, kurse të tjerët në kampe dhe kanë mundësi të kufizuara lëvizjeje.

Edhe përkundër paralajmërimeve sërish ka vazhduar shkuarja e kosovarëve në këtë vend, por ky numër ka rënë ditëve të fundit. Që prej 1 korrikut, policia i dërgon kosovarët direkt në burgje në bazë të ndryshimit të legjislacionit, i cili nuk ua lejon më ikjen në shtetet e tjera të BE-së, transmeton nga Hungaria KTV nëpërmjet të dërguarit të vet special, Xhemail Rexha, të dhënat ekskluzive për peripecitë e kosovarëve në këtë shtet.

Në Zyrën për Emigracion, pjesë e Ministrisë së Brendshme të Hungarisë thonë se gjasat janë minimale që ndonjëri prej të strehuarve të mbetet në këtë shtet. Më shumë se 5000 persona nga Kosova kanë hyrë ilegalisht në Hungari në 6 muajt e parë të vitit 2013. Në muajt e parë ktheheshin çdo natë më shumë se 100 veta, por ky numër ka rënë kohëve të fundit në 20, transmeton koha.net