Lajme

Hyn me makinë në zonën e këmbësorëve, konfirmohen disa viktima

Sipas kryetarit të bashkisë së Trierit, Leibe, të paktën dy njerëz janë vrarë dhe të paktën 15 kanë marrë plagë në këtë incident

Në qytetin jugperëndimor gjerman të Trierit, një makinë është futur sot pasdite me shpejtësi në një zonë për këmbësorë.

Policia ka konfirmuar se për pasojë janë disa të vdekur dhe të plagosur. Një person është arrestuar, shkruan “Triersche Volksfreund”

Prapavija e aktit është ende plotësisht e paqartë.

Sipas kryetarit të bashkisë së Trierit, Leibe, të paktën dy njerëz janë vrarë dhe të paktën 15 kanë marrë plagë në këtë incident, transmeton albinfo.ch. Policia e Trierit gjithashtu ka konfirmuar në llogarinë e saj në Twitter se sipas gjetjeve fillestare, disa njerëz kanë vdekur.

Drejtuesi i makinës, një 51 vjeçar, për të cilin ndërkohë merret vesh se është gjerman nga rrethina, është arrestuar dhe makina e tij është sekuestruar, thotë policia.

Policia u bën thirrje njerëzve në Trier të shmangin zonën në qendër të qytetit. Një kontingjent i madh i policisë dhe punëtorëve të shpëtimit janë në veprim.

.