Fotolajmi
I vihet flaka kampit të katërt të refugjatëve
Kampi i refugjatëve në afërsi të Munkedal, në pjesën perëndimore të Suedisë, është strehimorja e katërt për refugjatët që është djegur në Suedi për vetëm një javë.
Policia thotë se janë njoftuar rreth orës 4 të mëngjesit për një zjarr në një shtëpi për refugjatë dhe zjarrfikësit pesë orë pas shpërthimit të zjarrit nuk arritën ta lokalizojnë zjarrin.
Policia nuk raportoi për lëndime, por ata dyshojnë se bëhet fjalë për zjarrvënie.
Ndërtesa kishte 20 shtretër për refugjatët dhe, sipas Sveriges Radio, në të kishte strehuar 14 njerëz në kohën e shpërthimit të zjarrit, por të gjithë janë evakuuar në mënyrë të sigurt.
Policia ende është duke hetuar rastin e një zjarri në një ndërtesë të vjetër, e cila ishte dedikuar për akomodim të refugjatëve në Onsala, në jug të Gothenburg, e cila ishte djegur gjatë fundjavës, vetëm disa ditë pas zjarrit në dy ndërtesa të tjera, gjithashtu që ishin dedikuar për strehim të refugjatëve, Ljungbi dhe Arles në jug të Suedisë.
Gjatë vitit 2015 është raportuar për gjashtë zjarre të tjera në strehimore për refugjatët, por doli se asnjëri prej tyre nuk është shkaktuar me qëllim.
Shërbimet sociale në Suedi nuk duhet të publikojnë adresat e strehimit për refugjatët, duke pasur parasysh faktin se ata janë rrezikuar të sulmohen me zjarrvëniet.
Suedia po përballet me një numër rekord të refugjatëve.
Agjencia Suedeze për Migrim u bëri thirrje autoriteteve lokale dhe biznesmenëve që të ofrojnë objekte të reja për strehim për emigrantët.
Sipas Agjencisë, në vitin 2015 tashmë kanë kërkuar azil 95,430 persona.
Të tjera nga Fotolajmi
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?