Imunologu zviceran: “Për 6 muaj do të kemi vaksinën kundër koronavirusit”

"Është ambicioze, por ne duam të vaksinojmë gjithë Zvicrën brenda gjashtë muajve"

Profesori i Imunologjisë në Universitetin e Bernës, Martin Bachmann, në  është në rrugë të duhur që së shpejti të gjejë një vaksinë kundër koronavirusit.  

“Tashmë kemi disa kandidatë dhe kemi arritur  të zhvillojmë antitrupa që neutralizojnë virusin te kafshët përdorura për eksperimentim”, është shprehur Bachmann në një intervistë për “TCS My Med”.

E thënë më thjesht, këta antitrupa pritet ta shkatërrojnë virusin, transmeton albinfo.ch. “Tani duhet t`i japim përparësi vaksinës që mund të bëjë më së miri shkallëzimin  dhe kështu të jemi në gjendje ta prodhojmë shpejt e në sasi të mëdha.”

Shumë ekspertë pohojnë se edhe nëse do të bëhej shpejtimi i procesit të miratimit, do të duhet të paktën një vit që vaksina të dalë në treg, përcjell albinfo.ch. Por Bachmann është më optimist: “Është ambicioze, por ne duam të vaksinojmë të gjithë Zvicrën brenda gjashtë muajve”. Për ta bërë këtë, tani duhet të ndryshohen disa rregulla si pjesë e një plani pandemik – “Por ne jemi në rrugën e duhur”.

---